Pronësia/ Shitblerja e Mjetit

Nëse zotëroni kontratë shitblerje të mjetit/kontratë dhurimi/dëshmi trashëgimie, ju duhet të paraqiteni brenda 30 ditëve nga data e hartimit të dokumentit të fitimit të pronësisë, pranë sporteleve të DRSHTRR për ndryshimin e pronësisë dhe përditësimin e dokumenteve të mjetit me të dhënat tuaja në sistem.

Cilido që nuk paraqitet brenda afateve ligjore për ndryshimin e pronësisë, referuar nenit 93, të Kodit Rrugor, për automjete, motomjete dhe rimorkio, ndëshkohet me masë administrative “gjobë”, e cila është:

• Për shkelje të afatit mbi 30 ditë deri në 90 ditë kalendarike - 10,000 lekë;
• Për shkelje të afatit mbi 90 ditë deri në 1 vit - 20,000 lekë;
• Për shkelje të afatit me më shumë se 1 vit - 40,000 lekë.

Ndërsa për makinat bujqësore, referuar nenit 109, të Kodit Rrugor, gjoba është:

• Për shkelje të afatit mbi 10 ditë deri në 90 ditë kalendarike - 2,500 lekë;
• Për shkelje të afatit mbi 90 ditë kalendarike deri në 1 vit - 5,000 lekë;
• Për shkelje të afatit me më shumë se 1 vit - 10,000 lekë.

Për ndryshimin e pronësisë, pala e interesuar duhet të paraqitet në sportel (jo më vonë se 30 ditë nga nënshkrimi i dokumentit të fitimit të pronësisë) me:

• Dokument identifikimi;
• Kontratën e shitblerjes/e dhurimit/shitblerje me ankand/dëshminë e trashëgimisë, vendim nga Gjykata ose organ tjetër i ngarkuar me ligj, faturë tatimore shitje, etj.;
• Lejen e Qarkullimit dhe Certifikatën e Pronësisë (nëse nuk është pajisur me lejen e re të qarkullimit) me të dhënat e mëparshme të Shitësit;
• Certifikatën e kontrollit teknik, të vlefshme (Nëse nuk është e vlefshme duhet të bëjë identifikimin e treguesve teknik të mjetit duke u pajisur me certifikatën përkatëse).

Nëse keni shitur një mjet, por ai vijon të jetë i regjistruar në emrin tuaj, kjo do të thotë që blerësi nuk është paraqitur pranë sporteleve të DRSHTRR-së për të kryer ndryshimin e pronësisë dhe përditësimin e të dhënave. Si pasojë, të gjitha detyrimet që lidhen me mjetin mbeten ende në emrin tuaj, ndaj ndryshimi i pronësisë duhet të bëhet sa më parë.
Detyrimi për ndryshimin e pronësisë i takon blerësit, por në rastet kur blerësi nuk paraqitet për të kryer ndryshimin e pronësisë në emër të tij, shitësi mund të paraqitet në DRSHTRR-në që ka juridiksion vendbanimin e tij, për të kryer procedurën e deklarimit të shitjes së mjetit. Për këtë, ai duhet të plotësojë deklaratën e marrjes së përgjegjësisë dhe të dorëzojë dokumentet e mëposhtme:

1. Dokument identifikimi që i jep të drejtën për të kryer shërbimin;
2. Dokumentin e fitimit të pronësisë në original ose të njëhsuar me origjinalin, si p.sh.:

• Kontratë shit-blerje;
• Kontratë dhurimi;
• Kontratë shitje-blerje me ankand;
• Dokument ose akt trashëgimie/ dokument fitimi pronësisë;
• Vendim nga gjykata ose organ tjetër i ngarkuar me ligj.

Pas dorëzimit të këtyre dokumenteve, shitësi ka të drejtë të pajiset me Vërtetimin për deklarim shitje mjeti.

Tarifa për këtë shërbim është 1,500 lekë, e cila përfshin:

• 1,000 lekë për shërbimin;
• 500 lekë për pajisjen me vërtetim.

2. Blerësi duhet të paraqitet në sportel (jo më vonë se 30 ditë nga formulimi i aktit të shitblerjes) me:
   • Dokument identifikimi;
   • Kontratën e shitblerjes/e dhurimit/shitblerje me ankand/dëshminë e trashëgimisë, vendim nga Gjykata ose organ tjetër i ngarkuar me ligj, faturë tatimore shitje;
   • Dokumentet e mjetit;
   • Certifikatën e kontrollit teknik, e vlefshme. 

Më pas vijohet me përditësimin e lejes së qarkullimit në emër të blerësit.

Tarifa për këtë shërbim është 2,500 lekë.

• Kontrata e shitblerjes në DRSHTRR 1,500 Lekë;
• Vërtetim RBS 1,400 Lekë;
• Leje e re Qarkullimi për Blerësin 2,500 Lekë.

Tarifa shtesë:

• Transferimi i dosjes së mjetit pranë Drejtorisë Rajonale 1,000 Lekë.
• Leje Qarkullimi Provizore 1,000 Lekë.
  *Nëse veprimet për shitblerjen e mjetit kryhen pranë drejtorisë rajonale ku ka vendbanimin Shitësi, Blerësi duhet të aplikojë për transferimin e dosjes së mjetit pranë drejtorisë rajonale ku Blerësi ka vendbanimin, si dhe të pajiset me Leje Qarkullimi Provizore për të përfunduar procesin e përditësimit të të dhënave në sistem.
• Pajisje me targa të reja mjeti (nëse dëshiron Blerësi) 
  • Të dyja targat      4,000 Lekë
  • Targë për motomjet (1 targë)   2,000 Lekë
  • Targa të veçanta Kliko
     

• Leje e re Qarkullimi për Blerësin 2,500 Lekë.
• Vërtetim RBS 1,400 Lekë.

Tarifa shtesë:

• Transferimi i dosjes së mjetit pranë drejtorisë rajonale 1,000 Lekë.
• Leje Qarkullimi Provizore 1,000 Lekë.
  *Nëse veprimet për ndryshimin e pronësisë së mjetit, kryhen pranë drejtorisë rajonale ku ka vendbanimin zotëruesi i mëparshëm i mjetit, pala e interesuar duhet të aplikojë për transferimin e dosjes së mjetit pranë drejtorisë rajonale ku i interesuari/zotëruesi i ri ka vendbanimin, si edhe të pajiset me Leje Qarkullimi Provizore për të përfunduar procesin e përditësimit të të dhënave në sistem.
• Pajisje me targa të reja mjeti (nëse dëshiron Blerësi) 
  • Të dyja targat      4,000 Lekë
  • Targë për motomjet (1 targë)   2,000 Lekë
  • Targa të veçanta Kliko

    Nëse personi që paraqitet në sportel nuk është pronar i mjetit, veç dokumenteve të mësipërme duhet të ketë me vete edhe prokurën e posaçme/autorizimin për kryerjen e veprimeve në emër të pronarit të mjetit.