Regjistrimi i mjetit në emër të qytetarit me status “invalid” dhe “veteran i luftës”

Autoveturat tip deri në 4+1 vende dhe me cilindratë jo më shumë se 2500 cm³, në zotërim të invalidëve e të veteranëve të luftës, invalidëve të punës, të verbërve, invalidëve paraplegjikë dhe tetraplegjikë, përjashtohen nga pagesa e taksave vjetore të mjeteve të përdorura (TVMP). Përjashtimi nga taksat është vetëm për një mjet.

Procedura e regjistrimit për herë të parë dhe procedura e regjistrimit të ndryshimit të pronësisë është e njejtë si ajo për automjete.

Për të regjistruar një mjet në emër të qytetarit me status “invalid” ose “veteran i luftës” ju duhet:

• Të siguroheni që mjeti përmbush kriteret e kategorive mjedisore (sipas kritereve të VKM Nr. 633);
• Të paraqiteni me mjetin tuaj në Drejtorinë Rajonale ku keni vendbanimin;

Dokumentet

• Dokument identifikimi; Nëse personi që paraqitet në sportel nuk është pronar i mjetit, veç dokumenteve të mësipërme duhet të ketë me vete edhe prokurën e posaçme/autorizimin për kryerjen e veprimeve në emër të pronarit të mjetit.
• Libreza e invaliditetit/librezën e verbërisë, ose libreza e paraplegjiku/tetraplegjiku lëshuar nga Drejtoria e Përgjithshme e Shërbimit Social Shtetëror;
• Vërtetimin, e siguruar nga vetë qytetari me status “invalid”, nëpërmjet portalit e-albania, që nuk zhvillon aktivitet privat;
• Si dhe një nga dokumentet e mëposhtme:
  • Vërtetimin e KMCAP-it, që sigurohet nëpërmjet portalit e-albania;
  • Vërtetimin origjinal ose të noterizuar të KMCAP-it, lëshuar nga Instituti i Sigurimeve Shoqërore;
  • Kopje e vendimit të Komisionit të Përcaktimit të Verbërisë lëshuar nga Komisioni Mjekësor i Përcaktimit të Verbërisë KMCAP-it për personat e verbër.

Kur veprimet bëhen në emër të veteranit të luftës duhen këto dokumente:

• Dokument identifikimi; Nëse personi që paraqitet në sportel nuk është pronar i mjetit, veç dokumenteve të mësipërme duhet të ketë me vete edhe prokurën e posaçme/autorizimin për kryerjen e veprimeve në emër të pronarit të mjetit.
• Librezën e veteranit;
• Vërtetimin, e siguruar nga vetë qytetari me status “veteran lufte”, nëpërmjet portalit e-albania, që nuk zhvillon aktivitet privat.

Dokumentet e mjetit

• Certifikatë Përputhje/Dokument me të gjithë treguesit teknik të domosdoshëm për identifikimin e mjetit, të lëshuar nga prodhuesi, në origjinal;
• Dokumenti i zhdoganimit (DAV) të lëshuar nga Dogana Shqiptare, në origjinal;
• Certifikata e Pronësisë, e vlefshme, për rastet kur leja e qarkullimit është model i vjetër;
• Kontrata e Sigurimit të Mjetit;
• Nëse mjeti është blerë në Shqipëri, do të nevojitet edhe:
  RBS - konfirmimi nga Regjistri i Barrëve Siguruese të cilin e siguroni pas hartimit të kontratës së shitblerjes së mjetit pranë zyrave tona të shërbimit ose te noteri.

Shënim: Nuk ka nevojë të jenë të përkthyera dhe noterizuara:

• Certifikatat e konformitetit dhe dokumentet teknik të mjetit, të lëshuar nga prodhuesi dhe që janë homologe me ato të BE;
• Certifikatat e regjistrimit të plotësuara me kodet e harmonizuara të BE, si dhe certifikatat e regjistrimit të leshuara nga vendet e BE;
• Certifikatat e regjistrimit të lëshuara nga SHBA, Kanada dhe shtete të tjera, të plotësuara në anglisht.

Pasi të kryeni Kontrollin Fizik të mjetit te Drejtoria Rajonale, do të pajiseni me Certifikatën e Kontrollit Fizik;

Pas Kontrollit Fizik, do paraqiteni me të gjithë dokumentet e mësipërme në sportelet e regjistrimit të mjetit për të përfunduar të gjithë procedurën.

Kontrolli Teknik

Të gjitha mjetet e përdorura të regjistruara për herë të parë në Republikën e Shqipërisë, duhet të paraqiten brenda 7 ditëve në Qendrën e Kontrollit Teknik, për t’ju nënshtruar kontrollit teknik.

Tarifa

 

Qytetarët me statusin “invalid” ose “veteran lufte” përjashtohen nga pagesa e Taksës Vjetore të Mjeteve të Përdorura por jo nga tarifat e tjera të mësipërme.