Mos pini alkool kur drejtoni mjetin! Lexo Më Shumë
Tjetër bamirësi nga ekipi i DPSHTRR! Lexo Më Shumë
Kërkesë për Shprehje Interesi - Marrje të Ambienteve me Qira Lexo Më Shumë
Miratimi i Rrjetit të Linjave Ndërqytetëse. Lexo Më Shumë
Njoftim për Subjektet e pajisur me licencë për errësimin e xhamave të autoveturave Lexo Më Shumë

Lëshimi i lejedrejtimit / vërtetimeve

Lëshimi i lejedrejtimit të Përkohshëm

Për rastet e humbjes, vjedhjes ose shkatërrimit të lejedrejtimit, zotëruesi i saj duhet që brenda 48 orëve të bëjë denoncim në organet e policisë, të cilat lëshojnë vërtetim për këtë denoncim.

Në këtë rast, me kërkesë të qytetarit, lëshohet lejedrejtimi e përkohshme me afat vlefshmërie 30 ditë.

Dokumentacioni

Për pajisjen me lejedrejtimi të përkohshme, i interesuari paraqitet pranë DRSHTRR-së ku ka vendbanimin dhe dorëzon:

vërtetimin e denoncimit për humbje, vjedhje apo shkatërrim të lejedrejtimit, të lëshuar nga organet e policisë,
deklaratën e marrjes së përgjegjësisë administrative, model D/DPA,
dokument identifikimi të vlefshëm dhe fotokopjen përkatëse. Karta e identitetit ose pashaporta (për shtetasit e huaj) verifikohet dhe i kthehet qytetarit; Shtetasit e huaj duhet të dorëzojnë kopjen e noterizuar dhe të përkthyer të pashaportës si dhe kopje të noterizuar të lejeqëndrimit, të vlefshme,
fotografi me ngjyra, 1 (një) copë, me përmasa 4 x 5 cm,
mandat pagesën prej 600 lekë për tarifën e shërbimit për pajisje me lejedrejtimi të përkohshme.

Pajisja me lejedrejtimi të përkohshme bëhet menjëherë pas dorëzimit të dokumentacionit.

Lejedrejtimi e përkohshme është e vlefshme vetëm në Republikën e Shqipërisë.

Lëshimi i lejedrejtimit Ndërkombëtar

Lejedrejtimi ndërkombëtare që lëshohet në Republikën e e Shqipërisë është konform Konventës së Vjenës “Mbi qarkullim rrugor”, e 8 Nëntorit 1968, e ndryshuar, dhe ka vlefshmëri 3 vjet. Megjithatë, nëse në kohën e lëshimit, lejedrejtimi kombëtare ka një periudhë të vlefshmërisë së mbetur prej më pak se tre vjetësh, lejedrejtimi ndërkombëtare do të ketë datën e skadimit që përkon me atë të lejedrejtimit kombëtare.

Mbajtësi i lejedrejtimit kombëtare të vlefshme, për tu pajisur me lejedrejtimi ndërkombëtare, mund të aplikojë pranë çdo Drejtorie Rajonale të Shërbimeve të Transportit Rrugor, pavarësisht vendbanimit.

Dokumentacioni dhe tarifat

dokument identifikimi të vlefshëm (origjinali verifikohet dhe i kthehet) së bashku me fotokopjen,
lejedrejtimin kombëtare të vlefshme (origjinali verifikohet dhe i kthehet) së bashku me fotokopjen,
1 (një) foto me ngjyra, me përmasa 4 cm x 5 cm,
mandat pagesën prej 500 lekë për tarifën e shërbimit për pajisje me lejedrejtimi ndërkombëtare.

Qytetari pajiset me lejedrejtimi ndërkombëtare menjëherë.

Lëshimi i vërtetimeve për lejedrejtimi

Lëshohen nga Drejtoria Rajonale nën juridiksionin e së cilës ndodhet vendbanimi i qytetarit. Janë dy modele vërtetimesh për lejedrejtimi, vërtetim për brenda vëndit dhe vërtetim për jashtë vëndit.

Vërtetimi për lejedrejtimi nuk është i vlefshëm për drejtim mjeti, lëshohet me kërkesë të qytetarit, për efekt dokumenti.

Dokumentacioni dhe tarifat