Taksa Vjetore e Automjeteve të Përdorura - TVMP

Llogaritja e mësipërme është vetëm për TVMP dhe nuk përfshin detyrimet për taksën e regjistrimit fillestar dhe taksën e përvitshme për automjetet luksoze.

“Automjet luksoz” konsiderohet autovetura deri në 6+1, e cila plotëson të paktën njërin nga kushtet e mëposhtme: a) cilindratën të barabartë ose më të madhe se 3000 cm3, ose b) vlerën/çmimin të barabartë ose më shumë se 5.000.000 lekë.

*Kjo llogaritje takse nuk përfshin gjithashtu: 1 - gjobë për pagesë të vonuar të TVMP dhe TVML (10 ditë pas përfundimit të afatit të vlefshmërisë, 0.06% të shumës së detyrimit të papaguar për çdo ditë vonesë nga dita e fundit e vlefshmërisë së taksës. Në asnjë rast, gjoba nuk llogaritet për një periudhë më të gjatë se 365 ditë kalendarike) / 2 - gjobë për tejkalim të afatit të kontrollit teknik vjetor / 3 - gjobë të vendosur nga struktura e Task - Forcës.

Përjashtohen nga pagimi i taksës vjetore të mjeteve të përdorura:

1. mjetet në pronësi të ambasadave dhe organizatave ndërkombëtare që gëzojnë status diplomatik,
2. mjetet e bllokuara me vendim të organeve të drejtësisë,
3. mjetet me ç'regjistrim të përkohshëm,
4. autoveturat në zotërim të invalidëve,
5. makinat bujqësore.