Pajisja me Leje Drejtimi për Kategorinë A1-A2-B1-B

Kushtet për pajisjen me leje drejtimi – Kategoria A1-A2-B1-B

• Mosha minimale: 18 vjeç.
• Afati maksimal i vlefshmërisë: 15 vjet. Për personat mbi 70 vjeç, konfirmohet me certifikatë mjekësore sipas nenit 117 të Kodit Rrugor.
• Procedura:
  • Regjistrimi në një autoshkollë të licencuar;
  • Ndjekja e programit të miratuar;
  • Pajisja me leje drejtimi bëhet me provim teorie dhe provë praktike. 

 

Mjetet që mund të drejtohen

Kategoria e Lejes së Drejtimit	Lloji i mjetit	Specifikime teknike / kufizime
A1	Motor pa kosh (L3)	≤ 125 cm³, ≤ 11 kW, raport fuqi/peshë ≤ 0.1 kW/kg
	Motor me kosh (L4)	≤ 125 cm³, ≤ 11 kW, raport fuqi/peshë ≤ 0.1 kW/kg
	Tricikël (L5)	≤ 15 kW
	Makina bujqësore dhe komplekset e mjeteve bujqësore	gjerësi ≤ 1.6 m, gjatësi ≤ 4 m, lartësi ≤ 2.5 m, ≤ 2.5 ton, ≤ 40 km/h
A2		Motomjet me fuqi jo më shumë se 35 kW dhe me raportin fuqi/peshë jo më shumë se 0,2 kW/kg, që nuk rrjedh nga një mjet me më shumë se dyfishi i fuqisë së tij
	Motor pa kosh (L3)	≤ 35 kW, raport fuqi/peshë ≤ 0.2 kW/kg dhe që nuk rrjedh nga një mjet me > 2 x fuqi
	Motor me kosh (L4)	≤ 35 kW, raport fuqi/peshë ≤ 0.2 kW/kg dhe që nuk rrjedh nga një mjet me > 2 x fuqi
B1	Motomjete me 4 rrota (L7)	≤ 400 kg (≤ 550 kg për mallra)
	-	Fuqi ≤ 15 kW
	-	Përjashtohet masa e baterive (EV)
	Motomjete me 3 rrota (L5)	Simetrike ndaj aksit gjatësor
B	Automjete	≤ 3500 kg, ≤ 8 pasagjerë (pa drejtuesin)
	Rimorkio	≤ 750 kg
	Makina bujqësore	-
	Makina teknologjike	-
	Mjete me tri rrota >15 kW	Vetëm në territorin kombëtar
	Motomjete të kategorisë A1	Vetëm në territorin kombëtar, mosha ≥ 21 vjeç
		Mbajtësve të lejeve të drejtimit të kategorisë B, në dy vjetët e para të lëshimit, nuk u lejohet të drejtojnë mjete motorike me fuqi specifike,referuar masës bosh të mjetit,më të madhe se 55 kW/tonë. Për makinat hibride elektrike ose plug-in, kufiri specifik i fuqisë është 65 kW/tonë, duke përfshirë peshën e baterisë.

 

Regjistrimi për përgatitjen teorike dhe provimin e teorisë

Për regjistrimin e kandidatit për përgatitjen teorike dhe për provimin e teorisë ndiqen këto hapa:

Paraqitja e dokumentacionit

Përfaqësuesi ligjor i autoshkollës paraqitet pranë DRSHTRR-së përkatëse dhe dorëzon dokumentet për regjistrim të kandidatit si vijon:

• fotokopje të dokumentit të identifikimit të vlefshëm (kartë identiteti; për shtetasit e huaj: pasaportë e përkthyer e njehsuar nga noteri dhe leje qëndrimi të vlefshme të njehsuar nga noteri);
• Certifikatë mjekësore për drejtues mjeti me fotografi, të lëshuar jo më përpara se gjashtë muaj nga data e paraqitjes së kërkesës;
• faturën fiskale që autoshkolla i ka lëshuar kandidatit;
• fotokopje të lejes së drejtimit (vetëm për shtesë kategorie).

Pagesa e shërbimit – 2,000 lekë.

DRSHTRR, lëshon “LEJE” mod. DD/T për regjistrim të kandidatit dhe për provën e teorisë, me afat vlefshmërie 6 muaj.

Pagesa e riprovimit – 1,200 lekë.

Pagesa e riprovimit nuk kryhet në momentin e dorëzimit të dokumentacionit fillestar. Ajo aplikohet në rast riprovimi. 

Provimi i teorisë

Provimi i teorisë është i informatizuar zhvillohet sipas këtyre parametrave:

• Numri i pyetjeve: 40;
• Numri i gabimeve të lejuara: 4;
• Koha maksimale: 40 minuta.

Dokumentet që duhet të paraqesë kandidati:

• dokument identifikimi i vlefshëm;
• “LEJE”, model DD/T, të vlefshme (lejohet deri në 5 teste, minimumi 5 ditë ndërmjet testeve);
• dëshmi për kursin e ndihmës së shpejtë (vetëm për pajisje për herë të parë).

Përjashtime

Përjashtohen nga kryerja e kursit të trajnimit për dhënien e ndihmës së shpejtë mjekësore në rast aksidenti rrugor personat që kanë përfunduar studimet e larta në degët mjekësi ose infermieri. Në këto raste kërkohet fotokopje e diplomës, e nënshkruar nga urdhri përkatës.

Lehtësira për personat me aftësi të kufizuara

Personat me aftësi të kufizuara në dëgjim, që plotësojnë kushtet e përcaktuara në nenin 306 të VKM-së nr. 153, datë 7.4.2000, të ndryshuar, kanë të drejtë që në provimin e teorisë të marrin me vete një interpretues të gjuhës së shenjave shqipe, të certifikuar nga autoriteti përkatës.

Provimi i teorisë zhvillohet me aparat komunikimi audio për personat që kanë kufizime në leximin e gjuhës së shkruar.

Regjistrimi për përgatitjen praktike dhe për provimin praktik

Për regjistrimin e kandidatit për përgatitjen praktike dhe për provimin praktik ndiqen këto hapa:

Paraqitja e dokumentacionit
Përfaqësuesi ligjor i autoshkollës paraqitet pranë DRSHTRR-së përkatëse dhe dorëzon:

• fotokopje të dokumentit të identifikimit të vlefshëm (kartë identiteti; për shtetasit e huaj: pasaportë e përkthyer e njehsuar nga noteri dhe leje qëndrimi të vlefshme të njehsuar nga noteri);
• faturën fiskale që autoshkolla i ka lëshuar kandidatit.

Pagesa e shërbimit – 2,800 lekë.

DRSHTRR, lëshon “AUTORIZIM” model DD/P për regjistrim të kandidatit dhe për provën e praktikës, me afat vlefshmërie 6 muaj.

Pagesa e riprovimit – 2,200 lekë.

Pagesa e riprovimit nuk kryhet në momentin e dorëzimit të dokumentacionit fillestar. Ajo aplikohet në rast riprovimi. 

Paraqitja në provën praktike

Kandidati paraqitet pranë komisionit përkatës të marrjes në prova së bashku me instruktorin e praktikës dhe me mjetin e marrjes në prova me dokumentet:

• dokument identifikimi të vlefshëm;
• “AUTORIZIM” model DD/P, të vlefshëm (lejohet deri në 5 prova, minimumi 5 ditë ndërmjet provave).

Kushtet e zhvillimit

• Koha e provimit: 25 minuta;
• Provimi zhvillohet sipas përcaktimeve të Udhëzimit të MIE nr. 9, datë 14.04.2022 “Mbi aktivitetin e autoshkollave”.

Njëvlefshmëria e lejeve të drejtimit sipas kategorive

Lejedrejtimi që zotëron	E vlefshme për drejtimin e mjeteve të kategorisë	Kushtet / Shënime
Të gjitha kategoritë	AM	-
A2	A1	-
A	A1, A2	-
B	A1, B1; motomjete me tri rrota (>15 kW)	Vetëm në territorin kombëtar, mosha ≥ 21 vjeç për A1 dhe mjete me tri rrota simetrike ndaj aksit gjatësor
BE / B (kodi 96)	B	-
C1	B	-
C	C1, B	-
D1	B	-
D	D1, B	-
CE	C1E, BE	-
CE	DE	Vetëm nëse zotëron edhe kategorinë D
DE	D1E, BE	-
C1E / CE / D1E / DE	BE	-
Rregull shtesë	Çdo leje drejtimi për mjete me kuti shpejtësie manuale është e vlefshme edhe për mjete me kuti automatike; e kundërta jo.