Aplikimi për Ndryshim të Licencës për Transportin Ndërqytetës

Aplikimi për ndryshim të licencës në linjat e rregullta të transportit ndërqytetës kryhet në platformën e-Albania në shërbimin “Dublikatë licence për transportin ndërqytetës”.

Për pajisjen me dublikatë licence subjekti ngarkon në platformën e-Albania:

• Vendimin që vërteton miratimin e kërkesës për ndryshim licence.

Në përfundim të shqyrtimit, subjekti pajiset me licencë të re sipas vendimit të miratimit.

Dokumenti gjenerohet me vulë elektronike dhe mund të shkarkohet në sistemin elektronik eTransport dhe e-Albania, në rubrikën “Dokumentet e mia”.

Subjekti duhet të dorëzoj licencën që kërkon të ndryshohet.

Afati i vlefshmërisë: I njëjtë me afatin e licencës që ndryshohet

Tarifa: 30 % e vlerës së licencës së transportit ndërqytetës

BAZA LIGJORE:

1. Ligji nr. 8308, datë 18.03.1998 “Për Transportet Rrugore”, i ndryshuar;

2.Vendimi i Këshillit të Ministrave nr. 325, datë 19.3.2008 "Për Miratimin e rregullave për pranimin në veprimtarinë e operatorit të transportit rrugor të mallrave dhe të udhëtarëve, si dhe për njohjen e dokumenteve zyrtare, të caktuara për këta operatorë", i ndryshuar;

3.Udhëzimi nr. 5627, datë 18.11.2016, “Për përcaktimin e kritereve, rregullave dhe dokumentacionit për lëshimin e licencave dhe certifikatave për ushtrimin e veprimtarisë në transportin rrugor të udhëtarëve brenda vendit”, i ndryshuar;

4.Udhëzimi nr. 5628, datë 18.11.2016 "Për miratimin e rrjetit të linjave ndërqytetëse", i ndryshuar;

5.Urdhëri nr. 318, datë 02.11.2020 "Për delegim kompetence", i Ministrit të Infrastrukturës dhe Energjisë.