Retro Albania

 Shijoni magjinë e Pogradecit dhe Liqenit të tij të mrekullueshëm në eventin tonë të ardhshëm "RETRO"! 

Përgatituni RETRO "Zonja nga qyteti", më 14-15 Qershor 2024 ,në Pogradec. Automjetet klasike do të rikthejnë atmosferën e viteve të arta në bregun e liqenit të mahnitshëm. 

Ky event i veçantë është një mundësi e shkëlqyer për të parë nga afër disa nga makinat më ikonike të kohës dhe për të përjetuar nostalgjinë e një epoke të shkuar. 

 Eventi RETRO “Ritorniamo a Saranda”!

Makinat klasike nga “Veteran Club Valle D’itra” Bari, zbukuruan qytetin tonë bregdetar dhe qëndruan të ekspozuara deri në mesnatë.

Atmosfera u bë edhe më e veçantë me performancën e DJ Erta që mbajti të gjithë të pranishmit të argëtuar. 

Në fund të mbrëmjes u ndanë disa çmime nga përfaqësuesit e Klubit, në shenjë nderimi për pjesëmarrjen. Një natë që do të mbetet në kujtesë për të gjithë! 

 Edicioni Veror i Targave Suvenir! 

 Punishtja e Targave Suvenir ju pret më 6-7 Qershor në Sarandë dhe më 22-23 Qershor në Shkodër, për të personalizuar targën tuaj unike. 

 Mos humbisni mundësinë për të krijuar kujtime të veçanta këtë verë!

 DPSHTRR ishte pjesë e një fundjave energjike në #SOF24, ku aventura, muzika e mirë dhe aktivitetet e shumta gjithëpërfshirëse kanë qenë kryefjala e kësaj fundjave!

Na gjeni në hyrje të South Outdoor Festival me punishten më të këndshme ku gdhendim targat sipas dëshirës suaj! 

Nuk mund të mungonte as Retro Shop me produktet e shumta të cilat mund t’i bëni tuajat!

Ju mirëpresim! 

Të Enjten, në South Outdoor Festival do të jetë e pranishme edhe punishtja e Targave Suvenir! 

 Këtë herë, do të krijojmë fjalët dhe emrat tuaj të preferuar duke ricikluar targat e vjetra shqiptare. 

 Do të keni gjithashtu mundësinë të pasuroni librarinë tuaj me Katalogun Retro, tote bags, magnete, gazeta, bluza, varëse çelsash, e produkte të tjera RETRO vetëm në Retro Shop, pranë punishtes së Targave Suvenir!

Ju presim në Borsh! 

Stenda RETRO i ka shtuar hijeshinë qendrës së qytetit të trëndafilave, së bashku me organizimet e shumta në kuadër të Vjosa n’Fest! 

 Ju mirëpresim të personalizoni targën tuaj edhe nesër deri në orën 13:00.

Gjejeni ku ndodhemi këtë fundjavë...

Përmeti, qyteti i trëndafilave mirëpret Punishten e Targave Suvenir në festivalin Vjosa n’Fest.

 Na gjeni në qendrën e qytetit për të personalizuar targën tuaj, nga ora 10:00 deri në 22:00!

 Mirënjohës për të gjithë koleksionistët Retro, entuziastët, nostalgjikët dhe gjithë komunitetin, ku fryma e kulturës së automobilave me shpirt rritet çdo ditë!

Fillimi i Vitit 2024, Janar - Prill numëron:

101 Mjete të verifikuara nga të cilat 66 plotësojnë kriteret për statusin RETRO. 

69 Automjete dhe 32 Motomjete kanë përfunduar procedurën dhe janë pajisur me targa RETRO Janar - Prill 2024!

Berati i “NJË MBI NJË DRITAREVE”, ka qenë më magjik se kurrë më parë në këtë fundjavë të bukur Maji! 

Si një gjerdan i çmuar, nën magjinë e “Mangalemit”, mjetet RETRO dhuruan një shfaqje të jashtëzakonshme në PARADËN e tyre dhe kthyen koka të shumtë turistësh dhe qytetarë vendas!

 Këtë fundjavë, Punishten e Targave Suvenir e gjeni te Pedonalja e Beratit.

 Ejani na vizitoni dhe personalizoni një targe unike për veten ose të dashurit tuaj! 

 Qytetit të “Një mbi një dritareve” i kanë shtuar edhe më tepër hijeshinë mjetet historike  RETRO, ngjyrat dhe shkëlqimi i të cilave e kanë kthyer vendin në një peisazh piktoresk.

 Ju mirëpresim për të ndarë së bashku këtë eksperiencë mahnitëse dhe për të zbuluar surprizat e mrekullueshme! 

 Sonte Berati është kthyer në një spektakël të vërtetë dritash, ngjyrash dhe tingujsh, falë projeksioneve fantastike nga Florian Çanga, si dhe muzikës nga Dj. Erta.

 Bashkohuni me për të përjetuar emocione të paharrueshme me Kodikët e Retros

DPSHTRR ndjek me kërshëri çdo zhvillim pozitiv të Komunitetit RETRO dhe ky ndryshim në kriteret e pranimit nuk mund të lihej jashtë vëmendjes tonë!

Nga Janar 2024 janë kryer disa ndryshime në kriteret e pranimit të mjeteve me vlerë historike!

Zotëroni një mjet që qarkullon apo që ka qarkulluar në Republikën e Shqipërisë (me status aktiv, çregjistrim të përkohshëm apo çregjistrim të përhershëm në Regjistrin Kombëtar të Mjeteve Rrugore)?

Për të gjithë ju që në këtë 14 Shkurt doni t'i shtoni disa grimca magjie dhuratës për të dashurin tuaj të zemrës, në Punishten tonë RETRO mund të gjeni atë çka ju mungon!

Një instalacion surprizë ju pret aty, ku përveç personalizimit të targës suaj, do të keni mundësi të blini edhe produkte të tjera nga Retro Shop .

Ju mirëpresim në Pedonalen e Tiranës!

Këndi Retro vijon të jetë atraksioni më i veçantë në Pedonalen e Tiranës!

 Jemi vetëm pak orë para “Shën Valentinit” dhe kjo ditë ka nisur me dhjetëra mesazhe dashurie të gdhendura mbi targa suvenir. 

 Timeline-t e vendosura pranë stendës sonë po shkaktojnë një valë kurioziteti te kalimtarët, të cilët duke i lexuar po bëhen pjesë e një udhëtimi nostalgjik në kohë. 

Çfarë po pret? Bëhu edhe ti  pjesë e magjisë RETRO!

Në cepat e Tiranës ka edhe kështu, punishte të vogla që mbruajnë dashuri, e dritëza të gjysëm mekura për të hijeshuar fytyra e sy të qeshur!

Ju mirëpresim çdo ditë, nga ora 10:00 - 22:00 të bëheni pjesë e magjisë RETRO!

Magjia e dashurisë ka pushtuar Pedonalen e Tiranës gjatë kësaj pasditeje të ëmbël!

Punishtja jonë lëvizëse e Targave Suvenir ka zbarkuar për të sjellë një valë të re romantizmi në qytet.

Targat e personalizuara me emra dhe thënie dashurie do të jenë dhurata perfekte këtë “Shën Valentin”.

Mos e humbisni mundësinë për të shprehur dashurinë tuaj në një mënyrë unike!

Lajm emocionues nga Asambleja e Përgjithshme e FIVA - Federation Internationale des Vehicules Anciens! 

Takim i frytshëm mes Retro Albania dhe Z. Patrick Rollet, përfaqësues i Federatës Franceze të Mjeteve Historike dhe kurator konkursesh bukurie, auto-moto. Të entuziazmuar për zyrtarizimin e këtij bashkëpunim të ri, falë respektit për punën e Retro.al, në kuadër të së cilit do të realizohet debutimi për herë të parë i një mjeti të rrallë, pjesë e çmuar e Koleksionit Shqiptar RETRO, në një Concours d'Elegance nga më prestigjiozët ndërkombëtarisht, që organizohet prej vitit 1921!

Gusht e n’Fest pushtohet nga magjia e mjeteve historike, pjesë e koleksionit të Retro Albania!

Ngjyra, nostalgji, kulturë e pasion nën ritmet e muzikës dhe nën vezullimin e dritave, ju presin përgjatë gjithë mbrëmjes!

Për të mos u humbur!

Shkodra dhe Vespa janë aq të lidhura me njëra-tjetrën, sa verifikimi fizik i Retro kthehet në një paradë të tyre!

Me ngjyra nga më të ndryshmet, dhe me një stil autentik, atyre u bashkohen edhe disa automjete historike po aq të hijshme, duke e pasuruar gjithmonë e më shumë Regjistrin Kombëtar Shqiptar të Mjeteve Historike.

Mjetet të cilat u bënë pjesë e verifikimit fizik ishin:

Ndër temat e diskutimit tonë me kolegët gjermanë nga Ministria Federale e Transportit dhe Digjitalizimit, Gjermani, ishte edhe sektori Retro, rregullat dhe praktikat e tyre. Me shumë interes ishte prezantimi i Z. Christian Theis, mbi politikat dhe shërbimet e Automotorizimit Gjerman për mjetet historike, përveçse zyrtar edhe posedues i disa mjeteve historike të regjistruara në vendin e tij, ku me kënaqësi pamë sa mirë e afër jemi në praktikat e Retro Albania, duke marrë përgëzimet e miqve gjermanë për DPSHTRR!

RETRO BAZAAR mblodhi shumë mjete historike në sheshin “Skënderbej”, ndër të cilat makinën e Brigitte Bardot dhe të ish-diktatorit Enver Hoxha.

Faleminderit koleksionistëve të mjeteve historike, që kënaqën publikun në aktivitetet e Ditës së Verës në kryeqytet, duke hapur dashuritë e tyre për kuriozët dhe dashamirësit e motorizimit ndër vite, ekspozitë kujtimesh e nostalgjish me rrota.

Marka e modele nga më të ndryshmet, epoka e histori, artizanat e industri automotive në ruajtje e kujdes të komunitetit RETRO!

E çelim siparin e aktiviteteve RETRO me qytetin mikpritës të Elbasanit, të shtunën paradite, 11 Mars, në shëtitoren pranë kalasë, ku do të festojmë Ditën e Verës me ekspozitën e koleksionit të mjeteve Retro dhe me punishten e targave suvenir, aq të dashura nga publiku!!

Atmosferë festive e shoqëruar nën ritmet e muzikës Jazz & Swing nga DJ Alwell!

Ftojmë koleksionistët dhe të gjithë të apasionuarit pas Retro të na bashkohen për të festuar ardhjen e pranverës!

Të entuziazmuar dhe mirënjohës për anëtarësimin e Retro Albania në FIVA (Federata Ndërkombëtare e Mjeteve Historike), në këtë familje janë shtuar mjete mjaft interesante gjatë vitit 2022.

Gjatë periudhës kohore janar - dhjetor 2022, janë verifikuar 179 mjete, nga të cilat 115 automjete dhe 64 motomjete dhe janë pajisur me targa retro plot 127 mjete .

Ndërsa gjatë periudhës kohore qershor 2020 - dhjetor 2022, janë verifikuar 641 mjete në total dhe 464 prej tyre kanë plotësuar kriteret për statusin Retro.

Si të rinovoj Lejen e Drejtimit?

Dokumentet që duhen me vete kur të paraqiteni në sportel:

• Dokument identifikimi;
• Certifikatë mjekësore me fotografi, e cila vërteton aftësinë shëndetësore për të drejtuar mjetin rrugor;
• Lejen e drejtimit aktuale që zotëron.

Ku dhe kur tërhiqet Leja e re e Drejtimit?

Klaudio Demiri, një nga koleksionistët e komunitetit Retro Albania, ndau me ne disa foto nga udhëtimi i Audi 100LS, me vit prodhimi 1973, drejt një eventi oldtimers në Wörthersee!

Për të gjithë retroistat, mjetet me statusin Retro mund të lëvizin lirshëm jashtë kufirit të Shqipërisë për pjesëmarrje në evente të ndryshme apo lëvizje të tjera. Në këtë rast mjafton që mjeti të pajiset me leje qarkullimi ndërkombëtare (kartoni me afat trevjeçar) dhe siguracion ndërkombëtar (karton jeshil)! 

Drejtoria e Përgjithshme e Shërbimeve të Transportit  e ju uron gëzuar Krishtlindjen dhe Vitin e ri 2023, me mbarësi, lumturi e shëndet për ju e familjarët tuaj! 

Ndiqni videon e mëposhtme: https://www.youtube.com/shorts/gLqH9NWiO8c

RETRO Christmas bashkoi fëmijë, të rinj, të rritur e familje në pedonalen tek BunkArt2, në një mbrëmje të ëmbël dritash e muzike, me një qytetari e hijeshi karakteristike. 

Mjetet historike të dekoruara për të festuar mbylljen e vitit 2022 me lajmin e gëzueshëm të anëtarësimit të Retro Albania në FIVA, dhe kremtuar Krishtlindjet e ardhjen e Vitit rë Ri, u bënë skenografia e gjallë e një mini-muzeu të hapur për kryeqytetasit dhe turistët, ndërsa nderuam e falenderuam komunitetin fantastik të koleksionistëve, pjesë e Regjistrit Zyrtar Shqiptar Retro të themeluar 4 vite më parë!