Ndryshime Konstruktive

You are here

 

Ndryshimi konstruktiv quhet procedura kur në mjet kërkohet të realizohet ndryshimi i një ose më shumë karakteristikave konstruktive, funksionale, si dhe i sistemeve apo pajisjeve të tij, të cilat pasqyrohen në lejen e qarkullimit.

Kësaj procedure mund t’i nënshtrohen të gjitha mjetet e zhdoganuara me çlirim për qarkullim të lirë, të cilat kanë kryer procedurën e identifikimit të treguesve teknik, si dhe të gjitha mjetet që rezultojnë të regjistruara në arkivin kombëtar të mjeteve në Republikën e Shqipërisë.

Për vijimin me hapat e mëtejshëm të shërbimit, kërkohet aplikim online për marrjen e miratimit nga DPSHTRR.

 

Apliko për Ndryshim Konstruktiv

 

Llojet e miratimeve për ndryshime të karakteristikave konstruktive dhe funksionale kategorizohen si më poshtë:

Procedurë e Lehtësuar

Konsiderohen të gjitha ato ndryshime për të cilat nuk kërkohet kontroll dhe provë nga subjekte të licencuara. Procedura është më e thjeshtë dhe vijon vetëm me verifikimin dhe miratimin elektronik nga DPSHTRR. Pas miratimit, paraqituni pranë drejtorisë rajonale të DPSHTRR me:

  • Miratimin elektronik nga DPSHTRR;
  • Lejen e qarkullimit.

Procedurë Normale

Konsiderohen të gjitha ato ndryshime për të cilat kërkohen ndërhyrje mekanike të specializuara, të realizuara nga subjekte të licencuara, dhe që më pas i nënshtrohen kontrollit dhe provës nga subjektet përkatëse të licencuara nga MIE. Pas miratimit, paraqituni pranë drejtorisë rajonale të DPSHTRR me:

  • Miratimin elektronik nga DPSHTRR ;
  • Certifikatën e miratimit të ndryshimit dhe Procesverbalin e Komisionit Teknik të lëshuar nga subjekti i lecensuar nga MIE;
  • Lejen e qarkullimit.

Shënim: Ju do të njoftoheni brenda 2 ditëve pune për konfirmimin ose për informacion të mëtejshëm rreth aplikimit.