Ndryshime në Veprimtarinë e Autoshkollës

You are here

Transferimi i selisë së autoshkollës

Ndryshimi i vendndodhjes së autoshkollës bëhet duke paraqitur kërkesë me shkrim pranë QKB dhe DPSHTRR, të paktën 30 ditë përpara transferimit.

Dokumentacioni

Subjekti dorëzon në DPSHTRR:

  • Licencën VII.3.A.1 me adresën e re;
  • Vendimin Miratues ose lejen ekzistuese të aktivitetit;
  • Dokumentet e pronësisë ose kontratën e qirasë + planimetrinë;
  • Dokumentin e pagesës për verifikim;
  • Dokumentin e pagesës për pajisje me Vendim Miratues.

Verifikimi

  • Kryhet nga komision i DPSHTRR brenda 30 ditëve;
  • Nëse kushtet plotësohen:
    • lëshohet Vendim Miratues për adresën e re;
    • përditësohen të dhënat në sistem.

Autoshkolla fillon aktivitetin në adresën e re vetëm pas miratimit.

Shtimi i një kategorie në veprimtarinë e autoshkollës

Dokumentacioni

  • Licencë e përditësuar VII.3.A.1;
  • Vendimi Miratues ekzistues;
  • Dokumentet e instruktorit (kontratë, DAP, leje drejtimi);
  • Dokumentet e mjetit (leje qarkullimi, siguracion, kontroll teknik);
  • Akti i vlerësimit teknik të mjetit.

Procedura

  • DRSHTRR verifikon dokumentacionin;
  • Kryhet vlerësimi teknik i mjetit;
  • DPSHTRR lëshon Vendim Miratues të përditësuar.

Vendimi i ri përfshin të gjitha kategoritë aktive.

Heqja e një kategorie nga autoshkolla

Rasti 1: Nga DPSHTRR (pas kontrollit)

Kur nuk plotësohen kushtet (mungesë mjeti/instruktori), subjekti autoshkollë paraqet:

  • Kërkesë për heqje kategorie;
  • Licencë e përditësuar;
  • Vendimi ekzistues;
  • Deklaratë për statusin e mjetit (pezullim, shitje, çregjistrim).

DPSHTRR lëshon vendim të përditësuar.

Rasti 2: Me kërkesë të subjektit

  • Kërkesë pranë DRSHTRR;
  • Licencë e përditësuar;
  • Vendimi ekzistues;

DPSHTRR lëshon vendim të ri për kategoritë e mbetura.

Transferimi i regjistrimit të kandidatit nga një autoshkollë në një tjetër

Rastet kur kandidatët për drejtues mjeti transferohen nga një autoshkollë në një tjetër janë kur:

  • aktiviteti i autoshkollës është pezulluar ose ndërprerë;
  • zgjidhet kontrata ndërmjet kandidatit dhe autoshkollës;
  • kandidati ndryshon vendbanim;
  • kandidati paraqet kërkesë të arsyetuar.

Kërkesa për transferim (sipas modelit të miratuar) mund të paraqitet nga:

  • përfaqësuesi ligjor i autoshkollës ku është i regjistruar kandidati;
  • kandidati.

Dokumentacioni për transferim regjistrimi dorëzohet në DRSHTRR ku është i regjistruar kandidati dhe përfshin:

  • kërkesën sipas modelit të miratuar (për rastet kur kërkohet vijimi i sërisë së provave praktike të mbetura, shënon gjithashtu targën e mjetit dhe instruktorin të praktikës me të cilin do të vijojë provat e mbetura);
  • dokument identifikimi të vlefshëm të kandidatit;
  • Lejen mod. DD/T ose Autorizimin mod. DD/P të plotësuar në të gjitha fushat në seksionin e autoshkollës (vetëm për rastet kur kandidati ka përfunduar përgatitjen teorike ose praktike);
  • faturën që vërteton pagesën për transferim dosje (vetëm për rastet kur kërkohet transferimi i regjistrimit në një DRSHTRR tjetër).

Për rastet kur kandidatët e regjistruar në autoshkollë nuk e kanë përfunduar përgatitjen teorike në autoshkollën ku ishin të regjistruar, pas dorëzimit të dokumentacionit të nevojshëm, kryerjes së pagesave përkatëse dhe regjistrimit në autoshkollën tjetër, fillojnë kursin përgatitor teorik nga e para. Certifikata mjekësore e kandidatit duhet të jetë e vlefshme.

Për rastet kur kandidatët e regjistruar në autoshkollë kanë kryer ciklin e plotë të përgatitjes teorike dhe nuk janë marrë në prova, ose janë marrë në prova dhe nuk kanë fituar provën e teorisë, kandidatët do të vazhdojnë serinë e provave të teorisë, të pakryera.

Për rastet kur kandidatët e regjistruar në autoshkollë nuk e kanë përfunduar përgatitjen praktike në autoshkollën ku ishin të regjistruar, pas dorëzimit të dokumentacionit të nevojshëm, kryerjes së pagesave përkatëse dhe regjistrimit në autoshkollën tjetër, fillojnë kursin përgatitor praktik nga e para. (Regjistrimi për përgatitjen praktike kryhet kur kandidati ka një teori të vlefshme). Certifikata mjekësore e kandidatit duhet të jetë e vlefshme.

Për rastet kur kur kandidatët e regjistruar në autoshkollë kanë kryer ciklin e plotë të përgatitjes praktike dhe nuk janë marrë në prova për verifikimin e aftësive të sjelljes ose janë marrë në prova dhe nuk kanë fituar, kandidatët do të vazhdojnë serinë e provave për verifikimin e aftësive drejtuese e të sjelljes, të pakryera. 

Përditësimi i të dhënave të autoshkollës

Autoshkolla duhet të njoftojë DRSHTRR për çdo ndryshim:

  • Personeli (mësues, instruktorë, drejtues teknik);
  • Mjetet (kontroll teknik, siguracion);
  • Autorizimet për praktikë dhe prova;
  • Shtim/heqje mjetesh;
  • Ndryshime në staf;
  • Rregullorja dhe orari.

Përditësimi

  • DRSHTRR verifikon dokumentacionin;
  • Përditëson sistemin informatik dhe dosjen administrative.
  • Garanton përputhshmërinë me legjislacionin në fuqi.

Shënim: Të gjitha ndryshimet në aktivitetin e autoshkollës kërkojnë verifikim dhe miratim nga DPSHTRR, dhe hyjnë në fuqi vetëm pas përditësimit zyrtar në sistem.