Blendi Gonxhja

You are here

DRSHTRR Korçë, vazhdojnë punimet në kompleksin e ndertuar tërësisht të ri

Po vazhdojnë punimet në kompleksin  e ndërtuar tërësisht të ri, për shtresat e binderit, në Drejtorinë Rajonale të Shërbimeve të Transportit Rrugor Korçë.

Qëllimi i këtyre investimeve është të krijojë kushte dinjitoze për shërbimet e transportit rrugor edhe në qarkun juglindor, ku vitin e fundit u kryen 135,097 shërbime, gjithashtu në kë qark  viti u mbyll me 37,882 mjete rrugore dhe 72,688 drejtues mjeti nga Bashkitë: Korçë, Devoll, Kolonjë, Maliq, Pogradec dhe Pustec.

Njoftim

Drejtoria e  Përgjithshme e Shërbimeve të Transportit Rrugor njofton se gjatë ditës së pushimit zyrtar, më datë 11 Korrik, nuk do të ofrohet shërbim në sportele, ndërsa në datën 12 Korrik, orari i shërbimit do të jetë nga ora 08:00-19:00

Për pagesën online të taksave të mjetit, vizitoni: www.dpshtrr.gov.al

Këshilla Për Udhëtimet Gjatë Verës

Drejtoria e Përgjithshme e Shërbimeve të Transportit Rrugor, duke ju uruar pushime të mbara, këshillon të gjithë drejtuesit e automjeteve të tregojnë kujdes gjatë udhëtimeve në këtë periudhë të vitit.  

Duke marrë parasysh që temperaturat janë shumë të larta dhe numri i pushuesve dhe mjeteve në rrugë rritet ndjeshëm: 

Puna  e vitit 2019-2022 e DPSHTRR vlerësohet për digjitalizimin dhe lehtësimin e shërbimeve për qytetarët dhe subjektet

Puna  e vitit 2019-2022 e Drejtorisë së Përgjithshme te Shërbimeve të Transportit Rrugor për digjitalizimin dhe lehtësimin e shërbimeve për qytetarët dhe subjektet vlerësohet edhe në Konferencën Ndërkombëtare “Bazat e Mirëqeverisjes në Menaxhimin Cilësor nga Administrata Publike”, organizuar nën patronazhin e Kryeministrit, Edi Rama dhe bashkërisht me SIGMA (the Joint Programme of the OECD and EU) dhe ReSPA (the Regional School of Public Administration).

DPSHTRR Merr Vlerësimin mbi Digjitalizimin dhe Lehtësimin e Shërbimeve për Qytetarët

Gjatë ditës së sotme, në mbajtjen e konferencës ndërkombëtare “Bazat e mirëqeverisjes për menaxhimin e cilësisë në administratën publike”, Drejtoria e Përgjithshme e Shërbimeve të Transportit Rrugor u vlerësua për digjitalizimin dhe lehtësimin e shërbimeve për qytetarët nga Zv.Kryeministri i Republikës së Shqipërisë, Z. Arben Ahmetaj dhe nga Ministrja e Shtetit për Standardet e Shërbimeve, Znj. Milva Ekonomi.

Tjetër Risi nga DPSHTRR\ Aplikacioni më i ri i Leje Drejtimit në Play Store për Android

Nga sot do të gjeni online aplikacionin e Leje Drejtimit në Play Store për Android, në vijim do të vijë edhe në App Store.

Ky aplikacion do tu ndihmojë të praktikoheni për testin e teorisë, duke u simuluar online pranë testit zyrtar të Lejes së Drejtimit për të provuar veten para.

Zhvillimi i sa më shumë simulimeve online u ndihmon aplikantët të familjarizohen me testin zyrtar të teorisë për Lejen e Drejtimit pasi kanë zhvilluar kursin përkatës në autoshkollë.

Rikualifikimi tërësor i Qendrës së Kontrollit Teknik Dimal pranë DRSHTRR Berat

Po shkon drejt pëfundimit rikualifikimi tërësor i Qendrës së Kontrollit Teknik, Dimal, pranë Drejtorisë Rajonale të Shërbimeve të Transportit Rrugor Berat, ku ka mbetur për t’u instaluar sinjalistika vertikale dhe disa pajisje shërbimi.

Drejtoria e Përgjithshme e Shërbimeve të Transportit Rrugor falenderon qytetarët për mirëkuptimin gjatë proceseve të punës.

Ndërhyrjet infrastrukturore po bëhen në kuadrin e rilindjes së Automotorizimit Shqiptar, me synim përmirësimin e ndjeshëm të kushteve të punës për qytetarët e personelin. 

Bota automotive dhe magjia ndjellëse e saj

Në episodin e radhës të emisionit  “N’Timon”- Top News TV Albania, do të prekni Inovacion, adrenalinë dhe gaz  me mjetet më të reja në arenën ndërkombëtare dhe me sipërmarrës shqiptarë, kosovarë e rajonalë, që u bashkuan e u njohët në Automotive Fair Albania, i cili shër

Urojmë 4 Korrikun – Ditën e Pavarësisë së Shteteve të Bashkuara të Amerikës

Drejtoria e Përgjithshme e Shërbimeve të Transportit Rrugor uron gëzuar në ditën e sotme 4 Korrik  – Ditën e Pavarësisë së Shteteve të Bashkuara të Amerikës dhe gjithashtu 100-vjetorin e marrëdhënieve Shqipëri-SHBA.

Ky dedikim shoqërohet edhe nga komuniteti shqiptar i koleksionistëve të mjeteve, i cili vjen me këtë Cadillac DeVille, të vitit 1965, në pronësi të koleksionistit nga Korça Z. Erald Jani, anëtar i Koleksionit Shqiptar RETRO. 

 

 

 

 

DPSHTRR Institucion Miqësor me Katërputroshët

Drejtoria e Përgjithshme e Shërbimeve të Transportit Rrugor mbështet qytetarët, duke iu dhënë mundësinë e shoqërimit nga katërputroshët gjatë marrjes së shërbimeve në sportele pranë çdo drejtorie rajonale.

Personat që do të jenë të shoqëruar nga katërputroshët duhet të respektojnë kushtet e higjenës dhe sigurisë për të gjithë.

 

 

Respekt Përjetë Akteve Heroike të Lirisë

Data  2 Korrik 1990, dita kur në Tiranë u thye muri i regjimit, kur shkelëm tokën e lirë, si komb.

Historia shkruhet nga njerëzit dhe përjetësohet nga kujtesa, që duhet mbajtur e gjallë.

Dyshemetë Teknologjike edhe në Qendrën e Kontrollit Teknik pranë DRSHTRR Sarandë

Po punohet me shtresat e resinës për dyshemenë teknologjike të Qendrës së Kontrollit Teknik në Drejtorinë Rajonale të Shërbimeve të Transportit Rrugor Sarandë, ku po kryhet rikualifikimi i plotë i objektit, oborrit dhe ambienteve të tjera, për kushte bashkëkohore pune e shërbimi për punonjësit dhe qytetarët e kësaj drejtorie. Investimi  po zhvillohet nga vetëfinancimi si ent, pjesë e paketës së ndërhyrjes transformuese të shërbimeve të transportit rrugor anembanë vendit.

DPSHTRR Bashkëpunim të Ngushtë me Institucionet Homologe Gjermane

Prej 2 vitesh tashmë, Drejtoria e Përgjithshme e Shërbimeve të Transport Rrugor punon ngushtësisht me kolegët gjermanë të KBA (institucion homolog i Drejtorisë së Përgjithshme të Shërbimeve të Transport Rrugor ) dhe të Ministrisë Federale të Transportit e Digjitalizimit, me fokus mbi Sigurinë Rrugore, Leje Drejtimin, Regjistrimin e Mjeteve dhe së fundmi edhe Automoto Parkun Shqiptar e Regjistrin Retro.

Qendra e Kontrollit Teknik të Mjeteve Rrugore në DRSHTRR Vlorë

Me pamjet e punës për transformimin e Qendrës së Kontrollit Teknik të Mjeteve Rrugore, në Drejtorinë Rajonale të Shërbimeve të Transportit Rrugor Vlorë, ashtu si të gjitha ndryshimet në  automotorizimit shqiptar anembanë vendit, Drejtoria Përgjithshme  e Shërbimeve të Transportit Rrugor ju uron një javë të mbarë.  Kjo drejtori po punon për të sjellë ndryshime në automotorizimin shqiptar anembanë vendit, duke rritur cilësinë e shërbimeve ndaj qytetarëve.

Fëmijët Pjesëmarrës të Aktiviteteve Në Automotive Fair Albania 

Fëmijët, gjatë vizitave me prindërit e të afërmit e tyre, në Automotive Fair Albania  gëzuan hapësirat e dedikuara për ta, por u bënë edhe protagonistë të çdo këndi tjetër ku shoqëronin të rriturit.

Ata u bënë pjesëmarrës të aktiviteteve tek këndi edukativ i sigurisë rrugore, në garat me mjetet e "Mini Gran Premio", në mësimin e biçikletave dhe orët rekreative mbi mësimin e shenjave rrugore. 

Gjithashtu ata vizituan e shfaqën kuriozitet për ekspozitën e artit dhe muzeun "Retro".

Punimet për Dyshemetë Teknologjike të Qendrës së Kontrollit Teknik në ish-NSHRAK,

Për të krijuar kushte bashkëkohore pune e shërbimi për punonjësit dhe qytetarët, vazhdojnë punimet me shtresat e resinës për dyshemetë teknologjike të Qendrës së Kontrollit Teknik në ish-NSHRAK, pranë Drejtorisë Rajonale të Shërbimeve të Transportit Rrugor Tiranë.

Investimet për këto transformime po zhvillohen nga vetëfinancimi si ent, pjesë e paketës së ndërhyrjes transformuese të shërbimeve të transportit rrugor anembanë vendit. 

Drejtoria e Përgjithshme e Shërbimeve të Transportit Rrugor falenderon qytetarët  për mirëkuptimin.

Orët Edukative të Sigurisë Rrugore në Muajin Qershor

E ndërsa bëhemi gati të mbyllim muajin Qershor, rikujtojmë rëndësinë e edukimit me normat dhe sjelljet mbi sigurinë rrugore, nisma e aktivitete, të cilat Drejtoria e Përgjithshme e Shërbimeve të Transportit Rrugor vijon vendoshmërisht në shkollat kombëtare.

Rreth 157 fëmijë kryen trajnimin dhe cirkuitin  e klasës së sigurisë rrugore në shkollat: ”24 Maji” në Vlorë, "Demokracia” në Korçë, "Kolë Jakova" në Tiranë, “Martin Camaj” në Shkodër.

Vetëdije për veprimet dhe ndërgjegjësim për brezin e ri për të ecur të sigurt në rrugë.

Rikualifikimi i Qendrës së Kontrollit Teknik në DRSHTRR Korçë

Vijon puna për rikualifikimin e plotë të Qendrës së Kontrollit Teknik në Drejtorinë Rajonale të Shërbimeve të Transportit Rrugor Korçë.

Ndërhyrja e plotë rindërtuese në këtë drejtori është kryer me fonde nga vetfinancimi i Drejtorisë së Përgjithshme të Shërbimeve të Transportit Rrugor, në kuadrin e rigjenerimit të plotë të automotorizimit shqiptar anembanë vendit.

Shërbimi i kontrollit teknik po ofrohet me tarifa të përgjysmuara. 

Automjetet risi më të fundit në Automotive Fair Albania

Automotive Fair Albania zbuloi për publikun edhe shumë nga modelet teknologjikisht më të fundit  të markave më të njohura, me risitë më green por dhe më inteligjente, të së nesërmes së mobilitetit me rrota.

 Automjete që na dëgjojnë e na flasin, që shikojnë e vetëdrejtohen, që na mbrojnë nga aksidentet, që nuk ndotin ambientin, që ndërlidhen në rrjete online ndërsa ecin, që reagojnë e ndërveprojnë me rrugën dhe drejtuesin e mjetit ose pasagjerin, janë tashmë pjesë e jetës sonë, realitet i kohës sonë.

Avion i vjetër ushtarak në Automotive Fair Albania

Që të vegjël adhurojmë helikat, fluturidhat, ëndrrat me pilotë e sa herë shtangnim me sytë nga qielli për të shquar heroin e imagjinatës - avionin, magjinë pezull në ajër.

Drejtoria e Përgjithshme e Shërbimeve të Transportit Rrugor falenderon  "SHEGA TRANS SHA" dhe Z. Ervin Shijaku që mundësuan për  Automotive Fair këtë pamje dhe prezencë legjendare, gjithashtu për gatishmërinë, impenjimin dhe koston në krijimin e kësaj skenografie të rrallë e të gjallë. 

Analiza mbi Sigurinë Rrugore Për Periudhën Kohore Janar-Maj 2022 

Drejtoria e Përgjithshme e Shërbimeve të Transportit Rrugor ka përgatitur analizën mbi sigurinë rrugore për periudhën kohore Janar-Maj 2022. 

Puna për sigurinë rrugore, koordinimi, masat ndërgjegjësuese, masat policore, sistemet, risitë teknologjike, ndryshimet shtrënguese në akte dhe përmirësimet e sektorit të lejeve të drejtimit, po japin në vijimësi rezultate pozitive.

Në një krahasim të bërë me të njëjtën periudhë në vitin 2021, ka rezultuar me 17%  viktima më pak.  

Drejt Përfundimit Investimet Në DRSHTRR Korçë

Janë drejt përfundimit punimet në kantierin e Drejtorisë Rajonale të Shërbimeve të Transportit Rrugor Korçë. Ky kompleks i drejtorisë rajonale është ndëtuar tërësisht i ri, me kushte dinjitoze për shërbimet e transportit rrugor që do të ofrohen në qarkun juglindor.

Ky investim për transformimin rrënjësor të automotorizimit shqiptar eshtë zhvilluar me fondet 100% nga vetëfinancimi i Drejtorisë së Përgjithshme të Shërbimeve të Transportit Rrugor.

 

Mesazh Për Humbësit E Të Gjitha Pikëve të Lejes Së Drejtimit

Të gjithë personat, të cilët do të jenë humbës të të gjitha pikëve në lejen drejtimit, me aktet e reja në fuqi për të rifituar të drejtën për ta patur sërish, duhet të regjistrohen nga e para në autoshkollë e t’i rinënshtrohen testit teori-praktikë.

Drejtoria e Përgjithshme e Shërbimeve të Transportit Rrugor ka pritur 13 rastet e para, ku u paraqitën vetëm 6 aplikantë. Këta aplikantë nuk arritën dot të kalojnë testin e teorisë dhe do t'u duhet të shkojnë në autoshkollë për t’u ripërgatitur.      

Investimet në DRSHTRR Sarandë

Drejtoria e Përgjitshme e Shërbimeve të Transportit Rrugor ka arritur të rikuperojë truallin e zaptuar të Drejtorisë Rajonale të Shërbimeve të Transportit Rrugor Sarandë, duke ndërtuar infrastrukturën nëntokësore, ndriçimin e sistemime të hapësirave të brendshme dhe ato të jashtme.

Punimet në këtë drejtori po vijojnë me shtresat dhe asfaltimin e plotë të territorit funksional, me synimin pë të përmirësuar ndjeshëm  kushtet e punës për qytetarët e personelin.

Rreth 355 Targa Retro u prodhuan në Automotive Fair Albania

Rreth 355 targa retro u prodhuan nga punonjësit e palodhur të Drejtorisë së Përgjithshme të Shërbimit të Transportit Rrugor, në çadrën punishte, aq të dashur nga vizitorët e shumtë këtë fundjavë, tek Automotive Fair Albania, në Expocity.

 Porosi dhe kompozime me dedikime, të cilat u prodhuan në çast.

 Fondet nga shitja shkojnë për projekte e programe edukative, Retro-në e aktivitete kulturore automotive. 

Rikualifikimi Tërësor i Ambienteve të Testimit Pranë Qendrës së Kontrollit Teknik/ Tirana 2 (NSHRAK)

Vijon puna për rikualifikimin tërësor të ambienteve të testimit pranë Qendrës së Kontrollit Teknik, Tirana 2 (NSHRAK), me synim përmirësimin e ndjeshëm të kushteve të punës për qytetarët e personelin.

 Ndërhyrjet në termoizolim, sistemime, instalime të reja për monitorimin interaktiv dhe në mobilimin plotësisht të ri, janë pjesë e programit për transformimin rrënjësor të shërbimeve të transportit rrugor.

 Drejtoria e Përgjithshme e Shërbimeve të Transportit Rrugor falenderon qytetarët për mirëkuptimin.

Forum dhe Dëgjesë për Projektin Automoto Park Albania

Brenda Automotive Fair Albania u zhvillua forumi dhe dëgjesa e dytë për projektin ambicioz të Automoto Park Albania.

Kjo dëgjesë u zhvillua me grupe interesi, ekipe, klube, federatë, ekspertë e të ftuar nga bota e automoto-sportit. 

Me orë të  tëra gjatë këtij eventi u zhvilluan prezantime, pērditësime me informacione për statusin aktual të projektit, pyetje-përgjigje dhe diskutime. 

Hapësira Retro në Automotive Fair Albania

Në Automotive Fair Albania krijimi i hapësirës dhe ekspozimi i dedikuar historikut të Retro-s, u ndërtua me synimin që vizitorët të rindërtonin kujtime dhe përvoja, të rinjtë të njiheshin me vlerat e së shkuarës.

Drejtoria e Përgjithshme e Shërbimeve të Transportit Rrugor për krijimin e kësaj hapësire falenderon:  

Znj. Rejina Çystri për mundësimin e objekteve  historike nxitën kuriozitet ndër vizitorë.

Z. Marjo Mahmutaj për mjetin që vuri në dispozicion për skenografinë e këndit Retro.

Fëmijët dhe Transporti Publik

Tek panairi i Automotive Fair Albania, për dy ditët e fundjavës, Stacioni Bashkia Tiranë - Agjencia Mbrojtjes së Konsumatorit priti pasagjerët e vegjël, për t'iu shpjeguar me dashuri disa rregulla të transportit publik me argëtim duke i përfshirë në role të ndryshme.

 

Të pasionuarit Pas Sportit Motorik Në Automotive Fair Albania

E diela e datës 19 qershor në  Automotive Fair ka qenë super dinamike, me Karting, Slalom, Cross Kart, sporte si një portë aksesi për të pasionuarit pas sportit motorik.

Në gamën e FIA (Fédération Internationale de l'Automobile) motorsport, ky format garash po rritet me një ritëm fenomenal, në të cilin shoferët trajtojnë një kart përmes një kursi me pengesa me një shpejtësi të kontrolluar.

 

Pages


Certifikuar sipas Standardit ISO 9001 nga