Përgjegjesi Sociale

Njihuni me heronjtë e ditës.

Punonjës të Drejtorisë Rajonale të Shërbimeve të Transportit Rrugor Tiranë, Durrës dhe Drejtorisë së Targave dhe Shtypshkrimeve, të ndërgjegjësuar mbi rëndësinë që mbart kjo nismë sa humanitare aq edhe qytetare, dhanë kontributin e tyre vullnetar për dhurimin e gjakut, për t’u ardhur në ndihmë të gjithë atyre në nevojë.

Një falenderim dhe mirënjohje stafit të përkushtuar të Qendrës Kombëtare të Transfuzionit të Gjakut, për profesionalizmin gjatë ushtrimit të detyrës së tyre humane.

Dhuroni gjak! Shpëtoni jetë!

Z. Blendi Gonxhja, Drejtor i Përgjithshëm i Drejtorisë së Përgjithshme e Shërbimeve të Transportit Rrugor, së bashku me staf nga kjo drejtori,  ka realizuar  takimin me Ambasadoren e Polonisë, Znj.

Në Shtëpinë e Fëmijës, Vlorë, organizuam një orë edukative mbi Sigurinë Rrugore. Fëmijë të grupmoshave të ndryshme, mësuan përmes argëtimit, lojërave dhe librave të përshtatur për ta, normat dhe rregullat bazë të përdorimit të rrugës.

Le të kujdesemi që çdo fëmijë të ketë mundësi të barabarta për t’u rritur denjësisht në një mjedis të sigurt dhe të shëndetshëm.

Adrenalinë! Sfidë! Emocion!

Drejtoria e Përgjithshme e Shërbimeve të Transportit Rrugor i bashkohet edicionit të 6-të të eventit më të madh sportiv në qytet. Mes 2500 vrapuesve ishin edhe përfaqësues nga kjo drejtori.

Vrapojmë për paqen! Sot dhe çdo ditë të vitit!

Për familjen, për shoqërinë, për komunitetin!

Dhurimi i gjakut, një mision kaq i rëndësishëm dhe fisnik, prej disa vitesh tashmë është kthyer në një traditë në këtë, dhe kjo me qëllimin e vetëm për t’i ardhur në ndihmë të gjithë atyre që kanë nevojë për gjak. 

Si çdo vit, edhe këtë vit stafi i Drejtorisë së Përgjithshme të Shërbimeve të Transportit Rrugor, i ndërgjegjësuar mbi rëndësinë që mbart kjo nismë sa humanitare aq edhe qytetare, dha kontributin e tij vullnetar në përkrahjen e kësaj nisme. 

Nuk ka investim me kthim më të lartë, sesa edukimi e formimi aktiv. Me nxënësit e shkollës “Jani Minga” në Këndin e Sigurisë Rrugore, në ambientet e jashtme të shkollës së mesme industriale "Pavarësia", Vlorë, ku edukojmë fëmijët mbi rregullat e trafikut rrugor dhe këshillat mbi sigurinë rrugore në hapësirën e posaçme që simulon qarkullimin me sinjalistikat e duhura rrugore. Përfshirja që të vegjël, dhe që në bankat e shkollave, rrit vetëdijen e ndërgjegjësimin.

Sot në Ditën Ndërkombëtare të Kafshëve, sjellim vëmendjen tek kujdesi dhe mirëqenia e tyre në rang global.

Prej 97 vitesh tashmë, me një komunitet individësh, organizatash dhe institucionesh, ku bëjmë pjesë edhe ne, lobohet për ndërgjegjësimin dhe kultivimin e një ambienti të përshtatshëm #petfriendly për të ofruar kushte mikpritëse për katërputroshët.

Në vijim të fushatës të Ditës Botërore të Pastrimit, e cila synon të mobilizojë qytetarët, institucionet, bizneset në aksione pastrimi për të larguar sa më shumë mbeturina nga natyra dhe në këtë mënyrë të përçojë mesazhin për mbrojtjen e mjedisit nga ndotja, bëri bashkë si pjesë të aksionit të pastrimit të gjitha Drejtoritë Rajonale nga veriu në jug të Shqipërisë, si dhe punonjës nga Ambasada Ukrainës, Njësia Administrative numër katër në Tiranë, duke dhënë mesazhin se një mjedis i pastër është përgjegjësi qytetare.

Mjedisi i pastër - përgjegjësi e të gjithëve.

Fillimi i javës Evropiane të Lëvizshmërisë, sjell një sërë aktivitetesh dhe evente të cilat promovojnë lëvizjet alternative nëpër rrugët e qytetit Tirana është një ndër qytetet më aktive në promovimin e përdorimit të biçikletës, duke lehtësuar lëvizjen e tyre me korsi të dedikuara.

Java Evropiane e Lëvizshmërisë, si një projekt i përvitshëm i Komisionit Europian, synon përmirësimin e cilësisë së jetesës duke promovuar përdorimin e transportit publik, biçikletën  e mjete të tjera alternative, dhe sigurisht ecjen.

Tema për këtë vit është "Lidhje më të mira", dhe synon të nxjerrë në pah dhe të nxisë sinergjitë midis njerëzve dhe vendeve që ofrojnë ekspertizën, kreativitetin dhe përkushtimin e tyre për të rritur ndërgjegjësimin për lëvizshmërinë e qëndrueshme dhe për të promovuar ndryshime të sjelljes mbi lëvizshmërinë aktive.

Drejtoria e Përgjithshme të Shërbimeve të Transportit Rrugor në Ditën Botërore të Pastrimit do t'i bashkohet nismës së Green Line Albania për pastrimin e Shqipërisë!

Secilin prej jush mund të jetë pjesëmarrës duke ndërmarrë nisma individuale apo në grup për largimin e sa më shumë mbeturinave nga rrugët e lagjes, qytetit, fshatit, si dhe nga akset kombëtare. Mjaftojnë vetëm 4 hapa të thjeshtë për t’u bërë pjesë:

- Zgjidhni vendin ku do të zhvilloni aksionin tuaj;

Orët edukative të Sigurisë Rrugore i bashkohen aventurës së radhës në Festivalin e Skulpturave të rërës në Velipojë.

Në datat 24-27 Gusht, artistë ndërkombëtarë nga e gjithë bota, do t’i bashkohen këtij eventi, i cili organizohet për herë të parë në Shqipëri.

Kjo është një mundësi e mirë, që teksa eksploroni skulpturat gjigande dhe pak plazh në rërën fantastike të Velipojës, fëmijët tuaj të angazhohen në një aktivitet zbavitës dhe edukativ.

Nëse jeni një i ri apo e re nga mosha 21- 26 vjeç dhe ke përfunduar ciklin e parë të studimeve  “Bachelor”, po vjen një mundësi e artë për të aplikuar  në: https://praktika.riniafemijet.gov.al që edhe ju të jeni pjesë e Programit Kombëtar të Praktikave të Punës.

Prej disa vitesh lobimi dhe të ndihmuar nga anëtarësimi i  Drejtorisë së Përgjithshme të Shërbimeve të Transportit Rrugor prannë CITA (Komiteti Ndërkombëtar i Inspektimit të Automjeteve), vjen drita jeshile nga EUCARIS (Sistemi Europian i Informacionit për Automjetin dhe Lejen e Drejtimit), për shkëmbimin e të dhënave (mjete & leje drejtimi) nga ky sistem evropian edhe për vendet jashtë Bashkimit Europian, nëpërmjet instrumentit EREG(Shoqata e Europiane e Mjeteve dhe Autoriteve të Regjistrimit te Drejtuesve të Mjeteve).

  Super atmosferë me këngëtarin e rockut, Eugent Bushpepa, në South Outdoor Albania ku Retro Albania i dedikoi artistit një Targë Suvenir! Mund të porosisni një targë suvenir online në websitin zyrtar të Retro Albania, www.retro.al, ku mund të përzgjidhni 9 karaketere, ngjyrën dhe formën e targës. Proces shumë praktik dhe i shpejtë.

Argëtim, kulturë dhe solidaritet me Ukrainën! Punishtja jonë e Targave Vintage nga DTSH është vendosur në Borsh, mes South Outdoor Festival e pranë Kampit të Sigurisë Rrugore të DPSHTRR!

Kërkohet shoferi më smart i botës! A gjendet ai vallë në Shqipëri?!

Solidaritet me Ukrainën, me evropianët ukrainas të sulmuar e dhunuar në shtëpinë e tyre nga agresori që nuk është Rusia por një i çmendur në kontroll të aparatit ushtarak rus që po terrorizon ukrainasit dhe tërë globin në vitin 2022! Kjo nuk është as luftë, është KRIM i pacipë kundër njerëzimit, është sulm ndaj të gjithëve ne, ndaj lirisë e ndaj jetës sonë! Lutemi për Ukrainën dhe fatin e të gjithë botës! Vuajmë me Ukrainën!

Bli një targë suvenir si në foto, dhe fondi shkon për popullin në nevojë të Ukrainës!