DPSHTRR në bashkëpunim me Info Business Solutions dhe AKSHI realizuan trajnimin mbi "Modulin e Burimeve Njerëzore" i cili shumë shpejt do jetë pjesë e sistemit eDPSHTRR

Përmirësojmë sistemin "eDPSHTRR dhe atë FINANCIAR" përmes implementimit të modulit të Burimeve Njerëzore i cili do të përmirësojë proceset e Administrimit të punonjësve!

U realizua me sukses trajnimi për Modulin HR, pranë ambienteve të Tech Space me përfaqësues të:

• Info Business Solutions;
• AKSHI-t;
• Drejtorisë së Burimeve Njerëzore, Standartizimit dhe Protokoll-Arkivit;
• Kryetarëve të Degëve të Burimeve Njerëzore dhe Shërbimeve Mbështetëse për të gjitha Drejtoritë Rajonale në Shqipëri;
• Specialistëve të Burimeve Njerëzore të DRSHTRR Tiranë, i cili kishte si qëllim informimin e përdoruesëve mbi mundësitë që do të ofrojë moduli, diskutimin e fushave për ndryshim apo modifikim, evidentimin e problematikave gjatë përdorimit të tij në mënyrë të tillë që në kohën e implementimit të tij, sistemi të jetë plotësisht funksional.

"Moduli i Burimeve Njerëzore", pjesë e sistemit "eDPSHTRR" do të mundësojë:

• Krijimin dhe ruajtjen e Strukturës Organizative të miratuar;
• Krijimin dhe ruajtjen e Kartelës së Punonjësit me të gjithë të dhënat që nevojiten;
• Ruajtjen e historikut të ndryshimit të të dhënave për pozicionet, vlerësim performance, masa disiplinore, komandime në detyrë, etj;
• Bashkëngjitjen e dokumentave në kartelë për të përmbushur nevojën për ruajtje digjitale të tyre;
• Alokimin automatik të lejeve vjetore;
• Gjenerimin e raporteve.

Zhvillojmë sistemet, përqafojmë nevojat në ndryshim të së ardhmes me fokus zhvillimin e vazhdueshëm të Kapitalit tonë Human për të krijuar vlerë të shtuar për DPSHTRR-në në funksion të komunitetit!