Pas finalizimit të projektit të zbatimit, kanë nisur punimet e para për nivelimin e sheshit të Auto Moto Park Elbasan

Pas finalizimit të projektit të zbatimit, kanë nisur punimet e para për nivelimin e sheshit të Auto Moto Park Elbasan. Një fazë themelore, që na kujton se çdo hap ka rëndësinë e tij në rrugëtimin drejt vizionit tonë.

Gjithashtu, jemi në hapat e parë të ndërtimit të Qendrës Multifunksionale të Automotorizimit në Elbasan, e dyta pas asaj në Fushë-Prezë.

Kjo qendër e re do të ofrojë mbi 245,000 shërbime në vit, duke iu shërbyer 105,000 drejtuesve të mjeteve dhe 70,000 mjeteve aktive në 6 bashkitë e qarkut Elbasan.

Me këtë projekt, çdo shërbim do të jetë më cilësor, më i shpejtë dhe në përputhje me standardet më të larta evropiane. 

Bashkia Elbasan dhe Fondi Shqiptar i Zhvillimit po ecin me ritme të shpejta me infrastrukturën përreth, gjithashtu në funksion të Auto Moto Park. Rruga “Gjergj Arianiti” , një aks i rëndësishëm që lidh lagjen “Emin Matraxhiu” me Menglin, Koridorin VIII dhe urën e Byshekut të cilën shumë shpejt presim të nisë, duke lehtësuar ndjeshëm trafikun.

Me trotuare, ndriçim, korsi biçikletash dhe një pamje magjepsëse përgjatë Shkumbinit duke u shndërruar në një shëtitore fantastike për të gjithë qytetarët.

AMP, ky investim strategjik do të sjellë:

Cirkuiti i parë shqiptar sipas standardeve të FIA, FIM dhe CIK.

Muzeun Retro & DRSHTRR Elbasan.

Kontrollin fizik dhe teknik të mjeteve.

Infrastrukturë moderne për shërbime më të shpejta dhe më cilësore.

Një projekt që transformon infrastrukturën automobilistike të Shqipërisë!