Blendi Gonxhja

You are here

Z.Gonxhja/ Kontrolli Periodik i Mjeteve ul Rrezikun në Qarkullim

Z. Blendi Gonxhja, Drejtor i  Përgjithshëm pranë Drejtorisë së Përgjithshme të Shërbimeve të Transportit Rrugor, ka reaguar mbi testin e kontrollit teknik të automjeteve mbi shërbimin e munguar e të cunguar në të shkuarën kur ky kontroll nuk merrej seriozisht.

Drejtoni Mjetin me Kujdes/ Fushata e FIA për Sigurinë Rrugore

Federata Ndërkombëtare e Automobilave (FIA), së bashku me Klubet Anëtare të FIA Region I, lançuan fushatën për sigurinë rrugore, "Drejtoni mjetin me kujdes", e cila u bën thirrje përdoruesve në rrugë të respektojnë njëri-tjetrin, duke pasur parasysh të gjitha rregullat e trafikut, si: kufijtë e shpejtësisë, semaforët dhe përparësia e kalimit.

Vetëm 1 kalues nga 8 të regjistruar në Seancën e 7-të në Testin e Rimarrjes së Leje Drejtimit

Nga 127 të riregjistruar, në 2 muaj e gjysëm, referuar nga Policia, vetëm 5 kanë rifituar Leje Drejtimin. Vetëm 1 kalues sot në Testin e rimarrjes së Leje Drejtimit pas humbjes së pikëve, në seancën e 7-të që nga zbatimi i dispozitës së re shtrënguese me rikthim në Autoshkollë, nga 21 kandidatë për këtë seancë, ku u paraqitën në sallë vetëm 8 veta.

Siguria Rrugore me Këndin e saj Edukon në Javën Evropiane të Lëvizshmërisë

Sot fëmijët mësuan si të vendosin kokoren kur pedalojmë apo udhëtojmë me scooter, si të udhëtojnë me autobus dhe si të japim ndihmën e parë. Vizatuan me ngjyra  dhe e shijuan këtë aktivitet të Javës Evropiane të Lëvizshmërisë.

Edukojmë përmes argëtimit fëmijët në Javën Evropiane të Lëvizshmërisë

Edukojmë përmes argëtimit fëmijët në Javën Evropiane të Lëvizshmërisë!

Në bashkëpunim me Bashkinë Tiranë, ekipi i Drejtorisë së Përgjithshme të Shërbimeve të Transportit Rrugor iu bashkua nismës së EuropeanMobilityWeek, si një projekt i përvitshëm i Komisionit Europian, që synon përmirësimin e cilësisë së jetesës duke promovuar përdorimin e transportit publik, biçikletën  e mjete të tjera alternative, dhe sigurisht ecjen.

 Le të përdorim sa më pak mjetet ndotëse dhe të përqafojmë qasjet e reja të transportit që janë miqësore për ambientin.

Zëri Yt Dëgjohet në DRSHTRR Fier

Vëmendja kryesore e Drejtorisë së Përgjithshme të Shërbimeve të Transportit Rrugor shkon tek matja e vazhdueshme e përshtypjeve të qytetarëve e subjekteve, në komunikim të drejtpërdrejtë pasi marrin shërbimin në sportele, në çdo rajonale.

Synimi në vazhdimësi është përmirësimi në cilësi  dhe kjo gjë arrihet vetëm me ndihmën e leximit të realitetit mbi cilësinë e shërbimit. 

Akreditimi i DPSHTRR Sipas Standardeve Ndërkombëtare

Në kuadër të kontratës së lidhur, ka nisur trajnimi për akreditimin e trupës inspektuese sipas standardit ISO 17020, ku u trajtuan temat e vlerësimit të konformitetit dhe kërkesat për funksionimin e organeve që kryejnë aktivitete inspektimi për Kontrollin Teknik të Mjeteve. 

Në këtë trajnim morën pjesë stafi drejtues dhe ai teknik në secilat nga Degët e Kontrollit Teknik në çdo rajonale dhe u trajtuan temat mbi kuadrin rregullator dhe ligjor për referencë ndaj Standardit S SH CEI ISO IEC 17020:2012.

DRSHTRR  Sarandë, Kukës, Gjirokastër në Aksion Pastrimi

Në ditën Botërore të Pastrimit, për t’ju bashkuar nismës së Green Line Albania,  me kolegë nga Drejtoritë Rajonale të Shërbimeve të Transportit Rrugor në Sarandë, Kukës, Gjirokastër (ku lejoi moti) u mblodhën shumë mbetje plastike e jo të vetëdegradueshme. 

Mjedisi i pastër është përgjegjësi qytetare! Në qytetet e tjera, aksioni i pastrimit do të shtyhet fundjavën e ardhshme për shkak të motit. 

Fillimi i Javës Evropiane të Lëvizshmërisë Vjen Plot Aktivitete

Fillimi i javës Evropiane të Lëvizshmërisë, sjell një sërë aktivitetesh dhe evente të cilat promovojnë lëvizjet alternative nëpër rrugët e qytetit Tirana është një ndër qytetet më aktive në promovimin e përdorimit të biçikletës, duke lehtësuar lëvizjen e tyre me korsi të dedikuara.

Zëri Yt Dëgjohet në DRSHTRR Berat

Drejtoria e Përgjithshme e Shërbimeve të Transportit Rrugor e vlerëson shumë komunikimin e drejtpërdrejtë me qytetarët pasi marrin shërbimin në sportele duke synuar  vazhdimisht të përmirësojë çdo shërbim ndaj qytetarëve dhe këtë komunikim e marrin vetëm me ndihmën e opinioneve të qytetarëve mbi cilësinë e shërbimit.

Java Evropiane e Lëvizshmërisë në Tiranë, 16- 22 Shtator

Java Evropiane e Lëvizshmërisë, si një projekt i përvitshëm i Komisionit Europian, synon përmirësimin e cilësisë së jetesës duke promovuar përdorimin e transportit publik, biçikletën  e mjete të tjera alternative, dhe sigurisht ecjen.

Tema për këtë vit është "Lidhje më të mira", dhe synon të nxjerrë në pah dhe të nxisë sinergjitë midis njerëzve dhe vendeve që ofrojnë ekspertizën, kreativitetin dhe përkushtimin e tyre për të rritur ndërgjegjësimin për lëvizshmërinë e qëndrueshme dhe për të promovuar ndryshime të sjelljes mbi lëvizshmërinë aktive.

Njoftim!

Drejtoria e Përgjithshme të Shërbimeve të Transportit Rrugor njofton se për shkak të problemeve teknike në sistemin e Drejtorisë së Përgjithshme të Gjendjes Civile, mund të ketë luhatje të ofrimit të shërbimeve në sportelet e Drejtorive Rajonale të Shërbimeve të Transportit Rrugor!

Po punohet që kjo situatë të zgjidhet sa më shpejt!

 

Rikualifikim i DRSHTRR Korçë!

Brenda shtatorit qytetarët e Qarkut të Korçës do të kenë një vepër tjetër në shërbim të tyre! Ekipi i Drejtorisë së Përgjithshme të Shërbimeve të Transportit Rrugor po punon për transferimin e të gjithë teknikës e pajisjeve, të arkivës e të materialeve për të mundësuar në pak ditë fillimin e punës në kompleksin e ri rajonal të shërbimeve të transportit rrugor të Drejtorisë Rajonale të Shërbimeve të Transportit Rrugor Korçë!

Dita botërore e pastrimit!

Drejtoria e Përgjithshme të Shërbimeve të Transportit Rrugor në Ditën Botërore të Pastrimit do t'i bashkohet nismës së Green Line Albania për pastrimin e Shqipërisë!

Secilin prej jush mund të jetë pjesëmarrës duke ndërmarrë nisma individuale apo në grup për largimin e sa më shumë mbeturinave nga rrugët e lagjes, qytetit, fshatit, si dhe nga akset kombëtare. Mjaftojnë vetëm 4 hapa të thjeshtë për t’u bërë pjesë:

- Zgjidhni vendin ku do të zhvilloni aksionin tuaj;

Njoftim!

Të nderuar qytetarë, Drejtoria e Përgjithshme të Shërbimeve të Transportit Rrugor ju kërkon ndjesë për ndërprerjen e herëpasherëshme të shërbimeve në Drejtoritë Rajonale dhe ju bën me dije se për shkak të përditësimeve në sistem, mund të ketë ulje të shpejtësisë së ofrimit të shërbimeve në sportelet e drejtorive rajonale.

Ekipet e Drejtorisë së Përgjithshme të Shërbimeve të Transportit Rrugor po punojnë intensivisht për rikthimin në normalitet të shërbimit!

QKT e re në Durrës!

Përfitohet një kapanon për një linjë të tërë kontrolli teknik, që do të bëhet funksionale për Qendrën e Kontrollit Teknik e Drejtorisë Rajonale të Shërbimeve të Transportit Rrugor Durrës, në ndihmë të qytetarëve. Sot, falë çeljes së Arkivës së re Qendrore të Drejtorisë së Përgjithshme të Shërbimeve të Transportit Rrugor, ku vijon magazinimi pas përzgjedhjes dhe eliminimit të materialit të tepërt, pastrimit e risistemimit, në kushtet e standardet më të larta të sigurisë e të ruajtjes! 

Raporti Retro Janar-Gusht 2022

Pasioni dhe dëshira për të ruajtur trashëgiminë e historisë së automotorizimit shqiptar, nxiti themelimin e Regjistrit Kombëtar RETRO nga Drejtoria e Përgjithshme e Shërbimeve të Transportit Rrugor për mjetet historike të koleksionit shqiptar, komunitet i cili sa vjen e zgjerohet!

Gjatë vitit 2022:

115 Mjete të verifikuara - 82 plotësojnë kriteret për statusin RETRO, nga të cilat 58 Automjete dhe 26 Motomjete të pajisura me targa RETRO!

Qershor 2020 - Gusht 2022:

577 Mjete të verifikuara në total!

Komisioni Retro

Projektin RETRO i Drejtorisë së Përgjithshme të Shërbimeve të Transportit Rrugor çdo javë zyrtarizon statusin historik për mjete të cilat pak vite më parë do ta kishin të papërballueshëm qarkullimin në Shqipëri dhe të pamundur importimin e targimin! 

Gjurmoni Lejen e re të Drejtimit dhe CAP!

Një ndër risitë e Drejtorisë së Përgjithshme të Shërbimeve të Transportit Rrugor është që mund të gjurmoni Lejen e re të Drejtimit dhe CAP nëse ka mbërritur në Drejtorinë Rajonale ku keni aplikuar.

Leja e re e drejtimit tërhiqet pranë sporteleve të shërbimit të Drejtorive Rajonale ku është bërë aplikimi. Në Tiranë, leja e drejtimit tërhiqet për 30 minuta në zyrat e shërbimit te ish-NSHRAK. Në Drejtoritë e tjera Rajonale, kjo procedurë mund të zgjasë deri në 3-5 ditë pune. Ju mund të gjurmoni lejen tuaj të re të drejtimit për të parë nëse është dërguar te drejtoria rajonale.

Jemi me Ukrainën!

Prej fillimit të agresionit rus mbi Ukrainën, Drejtoria e Përgjithshme e Shërbimit të Transportit Rrugor, iu bashkua aleancës aktive që dënon luftën dhe pasojat e tmerrshme për qytetarët e pafajshëm ukrainas.

Një e-mail nga Presidenti i FIVA (Federata Ndërkombëtare e Mjeteve Antike), Z. Tiddo Bresters, mbështetës i projektit tonë për koleksionin shqiptar të mjeteve RETRO, ngrohu shumë zemrat këtë 8 shtator.

Drejt përfundimit punimet rindërtuese në QKT Korçë

Edhe pak ditë deri në përfundimin e punimeve rindërtuese e rikualifikuese me fonde vetëfinancimi nga Drejtoria e Përgjithshme e Shërbimit të Transportit Rrugor në qendrën e kontrollit teknik Korçë, në kuadrin e rigjenerimit total të automotorizimit shqiptar anembanë vendit.

Po bëjmë gjithë përpjekjet për të rikthyer besimin, kushtet e standardet e duhura, duke garantuar cilësi të shërbimit.

Larry Luxner, gazetari nga Tel Aviv, koleksionues i 550 targa nga mbi 100 shtete vizitë në DPSHTRR

Stafi i Drejtorisë së Përgjithshme të Shërbimeve të Transportit Rrugor ka patur kënaqësinë të mirëpresë një nga miqtë e dashur të kësaj drejtorie e të RETRO-s, Larry Luxner, gazetarin nga Tel Aviv, Izrael, cili është i pasionuar pas historisë së automotorizimit dhe veçanërisht koleksionimit të targave nga vende të ndryshme të botës, që ka arritur të ketë një koleksion të rrallë me 550 targa nga mbi 100 shtete. 

Suksese Të Gjithë Nxënësve Në Këtë Vit Shkollor / Së Shpejti Fillojmë Me Këndin Edukativ Të Sigurisë Rrugore

Duke i uruar të gjithë nxënësve një vit të mbarë shkollor, ju rikujtojmë që së shpejti do takoheni edhe me ekipin e Këndit Edukativ për Sigurinë Rrugore

Jemi krenarë dhe të përkushtuar për të vijuar me këtë projekt, në bashkëpunim me Ministrinë e Arsimit dhe Sporteve, bashkitë, policinë, Kryqin e Kuq, shkollat, komunitetet, etj., duke sensibilizuar për mobilitetin urban, sigurinë rrugore, njohuritë mbi trafikun dhe lëvizjen. 

Përfshirja që të vegjël dhe në bankat e shkollave rrit vetëdijen e ndërgjegjësimin. Suksese!

Njoftim për Qendrën e Kontrollit Teknik Korçë

Të nderuar qytetarë, për shkak të kryerjes së punimeve për rikonstruksionin e Qendrës së Kontrollit Teknik në qytetin e Korçës, shërbimi do të pezullohet ditën e hënë, datë 12 Shtator 2022.

Shërbimi do të vijojë të martën e në ditët në vazhdim me oraret e mëposhtme: 

E martë: 08:00-19:00

Përfundon me sukses BMW International GS TROPHY 2022, në Shqipëri

Rrugëtim në 7 ditë me frymën e garës dhe vështirësive të shtigjeve ende të paprekura që ofron Shqipëria, e që bashkoi pilotë të shkëlqyer të kategorisë Enduro nga gjithë bota, 57 pjesëmarrës, nga 14 kombësi, me 21 ekipe e 126 motoçikleta BMW R 1250 GS.

 

Zëri Yt Dëgjohet/ Cilësia e Shërbimit në QKT

Sipas monitorimeve në terren dhe përmes telefonatave, rreth 96% e qytetarëve të anketuar, kanë mbetur të kënaqur me shërbimin në qendrat e Kontrollit Teknik dhe 80.5% e tyre mendojnë se shërbimi është përmirësuar ndjeshëm krahasuar me 2 vite më parë.

Punohet për të korrigjuar sa më shpejt aty ku ka nevojë dhe qytetarët sugjerojnë.

Anketimi pasqyron muajin gusht dhe vijon, sipas përparësive dhe riskut, reagimeve dhe ankesave që merren nga qytetarët. 

4x4 Off Road në Elbasan

Aktiviteti 4x4 Off Road do të organizohet nga Off Road, më 18 Shtator pranë sheshit Gensher, Elbasan.

Kujdes/ Respektoni Rregullat e Qarkullimit Rrugor

Gjendja aktuale na vendos para përgjegjësisë të gjithëve.

Këmbësorë, pedalues, motoçiklistë e shoferë, bëni kujdes.

Mosrespektimi i semaforëve, i vijave të bardha, i korsive të pedalimit apo përdorimi i pajisjeve të ndaluara në trafik, moskujdesi për veten, për pasagjerët e për pasojat tek të tjerët, janë realiteti i përditshëm.

Shikoni përmes shenjave të kuqe e jeshile të evidentuara në video, dinamikën e përdorimit të rrugës në kryeqytet, për të kuptuar numrin e lartë të kundravajtjeve dhe aksidenteve që po ndodhin në zonat urbane.

Humbën Pikët e Patentës pas Shkeljeve të vazhdueshme/ Vetëm 4 Kandidatë nga 6 Shkelës Rimarrin Provimin

Gjatë ditës së sotme në testin e rimarrjes së leje drejtimit pas humbjes së pikëve, në seancën e 6-të që nga zbatimi i dispozitës së re shtrënguese me rikthim në autoshkollë, asnjë nga kandidatët pjesëmarrës nuk arriti të kalojë.

Për këtë seancë ishin regjistruar  20 kandidatë dhe u paraqitën vetëm 3, ku në total janë 106 të regjistruar në këto 6 seanca.

Raporti i Kontrollit Teknik të Mjeteve Rrugore për 8-mujorin Janar - Gusht 2022

Raporti i Kontrollit Teknik të Mjeteve Rrugore për 8-mujorin Janar - Gusht 2022: 

Janë paraqitur për testim 247,420 mjete, nga të cilat:

  • Automjete (4+1/8+1) 83.6%
  • Kamion 9.2%
  • Motomjete 4.4%
  • Autobus 1.5%
  • Rimorkio 1.1%
  • Mjete ndërtim/punë toke 0.2%

- 75,821 (30.6% e totalit të mjeteve) janë ngelur/refuzuar, për problematika si: mangësi vizuale e funksionale, sistem frenimi e drejtimi, gomat, sistem shkarkimi i gazrave, rrjedhje vajra, ulje e kilometrazhit, difekte, etj.

Pages


Certifikuar sipas Standardit ISO 9001 nga