Pajisja me Leje Drejtimi për Kategorinë C1-C-D1-D

Kushtet për pajisjen me Leje Drejtimi për kategorinë C1-C-D1-D

Mosha minimale:

• 19 vjeç për marrjen e kategorisë C1 (të paktën 1 vit Leje Drejtimi të kategorisë B);
• 21 vjeç për marrjen e kategorisë C (të paktën 3 vjet Leje Drejtimi të kategorisë B);
• 21 vjeç për marrjen e kategorisë D1 (të paktën 3 vjet Leje Drejtimi të kategorisë B);
• 22 vjeç për marrjen e kategorisë D1 (të paktën 1 vit Leje Drejtimi të kategorisë C);
• 24 vjeç për marrjen e Leje Drejtimit të kategorisë D (të paktën 3 vjet Leje Drejtimi të kategorisë B);
• 24 vjeç për marrjen e kategorisë D (të paktën 3 vjet Leje Drejtimi të kategorisë C).

Afati maksimal i vlefshmërisë: 5 vjet për persona deri në moshën 70 vjeç.
Për personat mbi 65 vjeç, Leja e Drejtimit e kategorisë C lëshohet për drejtimin e mjeteve, masa e përgjithshme e të cilave me ngarkesë të plotë nuk është më shumë se 20 tonë. 
Për personat mbi 65 vjeç, Leja e Drejtimit e kategorive D1 ose D lëshohet vetëm për drejtimin e mjeteve për të cilat kërkohet pajisja me Leje Drejtimi përkatësisht të kategorisë B ose BE.

Procedura:

• Regjistrim në autoshkollë të licencuar;
• Ndjekje e programit të miratuar;
• Marrja e lejes së drejtimit bëhet me provim teorie dhe provë praktike.

Mjetet që mund të drejtohen

 

Regjistrimi për përgatitjen teorike dhe për provimin e teorisë

Për regjistrimin e kandidatit për përgatitjen teorike dhe për provimin e teorisë ndiqen këto hapa:

Paraqitja e dokumentacionit
Përfaqësuesi ligjor i autoshkollës paraqitet pranë DRSHTRR-së përkatëse dhe dorëzon dokumentet për regjistrim të kandidatit si vijon:

• Kërkesën për kryerje shërbimi;
• fotokopje të dokumentit të identifikimit të vlefshëm; (kartë identiteti; për shtetasit e huaj: pasaportë e përkthyer e njehsuar nga noteri dhe leje qendrimi të vlefshme);
• Certifikatë mjekësore për drejtues mjeti me fotografi, të lëshuar jo më përpara se gjashtë muaj nga data e paraqitjes së kërkesës;
• faturën e fiskalizuar që autoshkolla i ka lëshuar kandidatit.

Pagesa e shërbimit - 2,000 lekë.

DRSHTRR, lëshon “LEJE” mod. DD/T për regjistrim të kandidatit dhe për provën e teorisë, me afat vlefshmërie 6 muaj.

Pagesa e riprovimit - 1,200 lekë.

Pagesa e riprovimit nuk kryhet në momentin e dorëzimit të dokumentacionit fillestar. Ajo aplikohet në rast riprovimi. 

Provimi i teorisë

Provimi i teorisë është i informatizuar dhe zhvillohet si vijon:

 

Dokumentet që duhet të paraqesë kandidati janë:

• dokument identifikimi të vlefshëm (kartë identiteti; për shtetasit e huaj: pasaportë e përkthyer e njehsuar nga noteri dhe leje qëndrimi të vlefshme të njehsuar nga noteri);
• “LEJE”, model DD/T, të vlefshme (lejohet deri në 5 teste, minimumi 5 ditë ndërmjet testeve).

 

Regjistrimi për përgatitjen praktike dhe për provën e aftësive drejtuese e të sjelljes (prova praktike)

Paraqitja e dokumentacionit
Përfaqësuesi ligjor i autoshkollës paraqitet pranë DPSHTRR dhe dorëzon:

fotokopje të dokumentit të identifikimit të kandidatit (kartë identiteti; për shtetasit e huaj: pasaportë e përkthyer e njehsuar nga noteri dhe leje qëndrimi të vlefshme të njehsuar nga noteri);

faturën e fiskalizuar që autoshkolla i ka lëshuar kandidatit për shërbimin.

Pagesa e shërbimit – 3,500 lekë. 

DRSHTRR, lëshon “AUTORIZIM” model DD/P për regjistrim të kandidatit dhe për provën e praktikës, me afat vlefshmërie 6 muaj.

Pagesa e riprovimit – 2,800 lekë.

Pagesa e riprovimit nuk kryhet në momentin e dorëzimit të dokumentacionit fillestar. Ajo aplikohet në rast riprovimi. 

Prova e aftësive drejtuese e të sjelljes (prova praktike)

Kandidati paraqitet pranë komisionit përkatës të marrjes në prova së bashku me instruktorin e praktikës dhe me mjetin e marrjes në prova me dokumentet:

• dokument identifikimi të vlefshëm;
• “AUTORIZIM” model DD/P të vlefshëm (lejohet deri në 5 prova, minimumi 5 ditë ndërmjet provave).

Zhvillimi i provës praktike

• Kohëzgjatja: 45 minuta;
• Provimi zhvillohet sipas Udhëzimit të MIE nr. 9, datë 14.04.2022 “Mbi aktivitetin e autoshkollave”.

 

Njëvlefshmëria e lejeve të drejtimit sipas kategorive