Rimarrja pas Humbjes Totale të Pikëve ose për Heqje të saj

Sistemi i pikëve dhe rifitimi i Lejes së Drejtimit

Çdo drejtues mjeti pajiset fillimisht me 20 pikë në momentin e marrjes së Lejes së Drejtimit.

Zbritja e pikëve për shkeljet e rregullave të qarkullimit përcaktohet në “Tabelën e pikëve për shkeljen e normave të sjelljes”, miratuar me VKM nr. 778, datë 15.12.2021.

Kursi dhe provimi i kualifikimit

Për rifitimin e pikëve dhe të drejtës për drejtim mjeti, drejtuesi i nënshtrohet një kursi përgatitor 6-ditor në autoshkollë dhe më pas provimit të kualifikimit pranë DRSHTRR-së përkatëse.

Provimi i kualifikimit përbëhet nga:

Provim teorik
Pyetjet përzgjidhen nga Kapitulli 5, “Normat e sjelljes”, të Kodit Rrugor.

Vlerësim praktik
Kryhet nga një komision me 3 anëtarë, të cilët vlerësojnë sjelljen e drejtuesit gjatë drejtimit të mjetit në situata të ndryshme.

Procedura e aplikimit

Përfaqësuesi ligjor i autoshkollës paraqitet në DRSHTRR dhe dorëzon:

Fotokopje e dokumentit të identifikimit, të vlefshëm
Certifikatë mjekësore me fotografi
- e lëshuar pas përfundimit të afatit të pezullimit;
- jo më e hershme se 6 muaj nga data e regjistrimit;
Dokument pagese për “Vërtetim aplikimi”
- tarifa: 5,000 lekë

Pajisja me “Vërtetim aplikimi”

DRSHTRR lëshon dokumentin që lejon aplikantin të paraqitet në provimin e kualifikimit.
Ky vërtetim është i vlefshëm vetëm për një provim kualifikimi.

Në rast se aplikanti nuk e fiton provimin:

Regjistrohet në autoshkollë nga e para për kryerjen e kursit përgatitor 6-ditor;
pajiset me vërtetim aplikimi të ri (me pagesë);
rifillon përgatitjen në autoshkollë;
ndjek programin përgatitor prej 6 ditësh.