Rivlerësim i Lejes së Drejtimit

1. Rastet e rivlerësimit

Rivlerësimi i lejedrejtimit kryhet në rastet kur:

DRSHTRR/DPSHTRR ka dyshime mbi përmbushjen e kërkesave fizike ose psikike nga mbajtësi i lejedrejtimit;
kërkohet në bazë të vendimit të një organi kompetent;
rezulton nga vlerësimi i Komisionit Mjekësor.

Në këto raste, DRSHTRR/DPSHTRR mund të vendosë:

dërgimin e aplikantit për vizitë mjekësore pranë Komisionit Mjekësor; dhe/ose
detyrimin për t’iu nënshtruar provimit të aftësive (teorik dhe/ose praktik).

2. Paraqitja dhe dokumentacioni

Personi i interesuar paraqitet pranë sporteleve të shërbimit të DRSHTRR-së sipas vendbanimit, plotëson kërkesën për kryerjen e shërbimit dhe dorëzon:

Dokument identifikimi të vlefshëm
(kartë identiteti; për shtetasit e huaj: pasaportë e përkthyer e njehsuar nga noteri dhe leje qëndrimi të vlefshme të njehsuar nga noteri);
Certifikatë mjekësore me fotografi
që vërteton aftësinë shëndetësore për drejtimin e mjetit rrugor për kategorinë përkatëse, e lëshuar jo më herët se 6 muaj nga data e paraqitjes së kërkesës;
Vendimin përkatës sipas rastit, si më poshtë:
- vendimin e Komisionit Mjekësor, në rastet e rivlerësimit për arsye psiko-fizike, në të cilin përcaktohet:
  - nëse aplikanti do t’i nënshtrohet provës teorike dhe/ose praktike; ose
  - pajisja me leje drejtimi pa prova;
- vendimin e DRSHTRR-së për rivlerësim, në rastet kur lindin dyshime mbi aftësinë e drejtimit;
- vendimin e organit kompetent, në rastet e anulimit të lejedrejtimit;
Dokumentin e pagesës përkatëse.