Njoftim për pozicionin vakant “Specialist i Arkivës”, në Degën e Regjistrimit të Mjeteve, në DRSHTRR Korçë

Njoftim për pozicionin vakant “Specialist i Arkivës”, në Degën e Regjistrimit të Mjeteve, në DRSHTRR Korçë

Në mbështetje të Ligjit Nr. 7961​, datë 12.07.1995 “Kodi i Punës i Republikës së Shqipërisë”, i ndryshuar, DPSHTRR ka nisur procesin e rekrutimit për pozicionin vakant “Specialist i Arkivës”, në Degën e Regjistrimit të Mjeteve, në DRSHTRR Korçë.

Aplikantët që shprehin interesin për të aplikuar në pozicion vakant duhet të plotësojnë kushtet e mëposhtme:

Kritere të përgjithshme: 

1. Të kenë zotësi të plotë për të vepruar;
2. Të jenë shtetas shqiptar;
3. Të mos jenë të dënuar me vendim të formës së prerë të gjykatës, për kryerjen e një vepre penale;
4. Të mos jenë në proces hetimi ose gjykimi, për ndonjë vepër penale;
5. Preferohet të kenë kryer specializime e kualifikime të ndryshme që lidhen me vendin e punës dhe të njohin mirë legjislacionin për regjistrimin e mjeteve;
6. Të mos kenë masa disiplinore në fuqi nëse janë në marrëdhënie pune;
7. Të mos kenë konflikt interesi me objektin e veprimtarisë së institucionit;

Kritere specifike:

1. Të kenë kryer ciklin e parë ose të dytë të studimeve universitare;
2. Të kenë aftësi shumë të mira komunikuese dhe kërkuese për realizimin e detyrave në DPSHTRR;

Aplikanti ka detyrimin të dorëzojë bashkangjitur aplikimit një deklaratë nën përgjegjësinë e tij ku deklaron vërtetësinë e dokumentacionit të dorëzuar.

Aplikantët duhet të dorëzojnë dokumentacionin si më poshtë, online, dorazi ose me postë deri në datën 10.06.2026: 

1. Letër interesi ku aplikanti përshkruan arsyen e aplikimit për punë, aftësitë e tij profesionale;
2. Letër reference nga punëdhënësi i mëparshëm apo aktual, mbi performancën e aplikantit;
3. Jetëshkrim (CV) me foto personale, (CV duhet të jenë në formatin europass shqip, me foto);
4. Dokument identifikimi personal (fotokopje pasaporte / letërnjoftimi ID);
5. Lejedrejtimi (nëse ka);
6. Certifikatë personale;
7. Certifikatë familjare;
8. Vërtetim që nuk keni çështje gjyqësore në gjykim;
9. Vërtetim që nuk keni çështje në hetim nga prokuroria;
10. Vërtetim i Gjendjes Gjyqësore (Dëshmi Penaliteti);
11. Raport i Aftësisë në Punë;
12. Diplomat dhe listat e notave (fotokopje të noterizuara). Për diplomat e lëshuara jashtë Republikës së Shqipërisë të përcillet edhe njehsimi nga Ministria përgjegjëse për arsimin;
13. Fotokopje të librezës së punës (të gjitha faqet që vërtetojnë eksperiencën në punë);
14. Dëshmi për kualifikime të ndryshme që përputhen me vendin e punës (nëse ka);
15. Deklaratën personale të nënshkruar lidhur me vërtetësinë e dokumentacionit të dorëzuar;
16. Çdo dokument tjetër që vërteton kërkesat e mësipërme;

Fushat e njohurive, aftësitë dhe cilësitë mbi të cilat do të zhvillohet konkurimi:

1. Ligji Nr. 7961, datë 12.07.1995 “Kodi i Punës i Republikës së Shqipërisë”, i ndryshuar;
2. Ligji Nr. 8378, datë 22.07.1998 "Kodi Rrugor i Republikës së Shqipërisë", i ndryshuar;
3. Ligji nr. 9154, datë 06.11.2003 “Për Arkivat”;
4. Ligji nr. 124/2024 “Për Mbrojtjen e të Dhënave Personale”;
5. Ligji nr. 10/2023 “Për Informacionin e Klasifikuar”;
6. Ligji nr. 9131, datë 08.09.2003 “Për Rregullat e Etikës në Administratën Publike”;
7. VKM nr. 874, datë 29.09.2021 “Për miratimin e rregullave për zbatimin e parimeve të etikës, të klasifikimit të veprimtarive të jashtme dhe vlerën e dhuratave, që mund të pranohen gjatë veprimtarisë së nëpunësit të administratës publike;
8. Përdorimi i programeve kompjuterike (Word, Excel, Outlook);

Mosparaqitja e dokumenteve të sipërcituara brenda afatit të përcaktuar, përbën shkak për skualifikimin nga procesi i aplikimit. Për ato dokumente që kanë afat vlefshmërie, kërkohet që të jenë lëshuar brenda 3 (tre) muajve nga data e këtij aplikimi.