KËRKESË PËR SHPREHJE INTERESI - DHËNIE ME QIRA E ISH GODINËS SË KONTROLLIT FIZIK NË DRSHTRR DURRËS

KËRKESË PËR SHPREHJE INTERESI

DHËNIE ME QIRA E ISH GODINËS SË KONTROLLIT FIZIK NË DRSHTRR DURRËS

Drejtoria Rajonale e Shërbimeve të Transportit Rrugor Durrës ka filluar proçedurat për dhënien e ambienteve me qira të ish godinës së kontrollit fizik në DRSHTRR Durrës, në Lagjen 14, Shkozet Durrës,zona kadastrale 8516, me destinancionin bar- kafe, për arsye të shfrytëzimit me eficensë të këtij ambjenti për rritjen e të ardhurave të ndërmarrjes. Për këtë arsye ftojmë subjektet që e ofrojnë këtë shërbim të shprehin interesin për paraqitjen e ofertave për një ambient me sipërfaqe 72m² (shtatëdhjetë e dy) meter katror (52 m² sipërfaqe objekti + 20 m² sipërfaqe e lirë). Sipërfaqja ndërtimore prej 52 m² është në gjendje të rregullt, funksionale me dyer dhe dritare dhe është bosh.Sipërfaqja ndërtimore amortizohet çdo vit me 5 % të vlerës së saj. E gjithë sipërfaqja qe do të jepet me qira (52 m² sipërfaqe objekti + 20 m² sipërfaqe e lirë) e cila ndodhet brenda pasurisë me nr.5/174, është në pronësi të DPSHTRR. Kontrata e qirasë do të jetë me afat 1 (një) vjeçar. (Në rast të ndonjë investimi nga DPSHTRR në këtë ambjent, kontrata e qirasë do të ndërpritet menjëherë).

Personat/Subjektet që ofrojnë një shërbim të tillë janë të lutur të shprehin interesin nëpërmjet paraqitjes së dokumentave të mëposhtëm:

1. Kërkesë për shprehje interesi për marrje me qira të pasurisë shtetërore, ku të deklarohet oferta për vlerën e detyrimit mujor të qirasë, qëllimi i marrjes me qira i këtij objekti, i parashikuar sipas planit të biznesit.
2. Plan biznesin e hollësishëm për vënien në funksion të objektit, në të cilin duhet të përfshihet informacioni i mëposhtëm:

• Identiteti i subjektit kërkues, historiku i aktivitetit që kryen;
• Përshkrimi i projektit të investimit, i punimeve që do të realizohen, i shërbimeve që do të ofrohen, i burimeve financiare të investimit;
• Analiza e detajuar e afateve kohore, që do të duhen për të realizuar projektin investues si dhe fazat e përcaktuara në realizimin e tij;
• Niveli i punësimit,që do të realizohet sipas fazave kohore të përcaktuara;

3. Deklaratat në formën e vetëdeklarimit, si më poshtë vijon:

• Deklaratë për të dhënat e NIPT/NUIS të subjektit kërkues;
• Deklaratë për shlyerjen e detyrimeve tatimore dhe sigurimeve shoqërore;
• Deklaratë për administratorin dhe subjektin ofertues, nëse është në ndjekje penale si dhe nëse ka procese gjyqësore në lidhje me aktivitetin;
• Në rastet kur subjekti konkurues zhvillon aktivitetin me qira në objekte, prone shtetërore deklaratë për shlyerjen e detyrimeve, në të kundërt të theksojë se nuk ushtron aktivitet në objekte shtetërore;
• Deklaratë për shlyerjen e të gjitha detyrimeve që i takojnë gjatë ushtrimit të aktivitetit:si energji elektrike, uje etj, sipas legjislacionit në fuqi. (Objekti ka matës (sahat) të veçantë për ujin dhe dritat).
• Deklaratë për mbajtje përgjegjësi ligjore për vërtetësinë e deklarimeve në dokumentacionin e dorëzuar. Në rast konstatimi të të dhënave të rreme, në çdo rast, përben shkak për skualifikim të subjektit konkurues.

Mosparaqitja e njërit prej dokumentave të kërkuara më sipër përbën shkak për skualifikimin e ofertës së paraqitur. Kërkesa për shprehje interesi dhe dokumentacioni duhet të dorëzohet fizikisht, me postë ose dorazi në Drejtorinë Rajonale të Shërbimit të Transportit Rrugor Durrës në adresën: L.14, “Ish Parku I Eksportit” Shkozet, Durrës, ose email: durres@dpshtrr.gov.al.

Afati kohor për dorëzimin e kërkesës dhe dokumentacionit do të jetë brenda 7 ditëve kalendarike nga marrja/publikimi i këtij njoftimi brenda datës 02.06.2026.

Duke ju falenderuar, mbetemi në pritje të ofertave tuaja.