DPSHTRR në vizitë pune pranë kompanisë MAHA, Gjermani

Drejtoria e Përgjithshme e Shërbimeve të Transportit Rrugor pati kënaqësinë të vizitojë fabrikën e kompanisë gjermane MAHA, një nga liderët botërorë në teknologjitë e testimit dhe sigurisë së automjeteve.

Gjatë vizitës, përfaqësuesit e DPSHTRR u njohën nga afër me:

Proceset inovative të prodhimit në industrinë e testimit të mjeteve;

Pajisjet moderne për inspektimin teknik dhe sigurinë e automjeteve;

Praktikat më të mira europiane që garantojnë standarde të larta në kontrollin e mjeteve.

Ky takim shërbeu si një mundësi e vyer për të forcuar lidhjet mes Shqipërisë dhe Gjermanisë, duke hapur horizonte të reja bashkëpunimi në fushën e inovacionit, inspektimit teknik dhe zhvillimit të industrisë automobilistike.

Përmes këtyre bashkëpunimeve, DPSHTRR synon të sjellë standarde gjithnjë e më të larta për qytetarët shqiptarë, duke kontribuar në rritjen e sigurisë rrugore, cilësisë së shërbimeve dhe mbrojtjes së mjedisit.