FTESË PËR OFERTË

Emri dhe adresa e autoritetit kontraktor:

Emri:                           Drejtoria e Përgjithshme e Shërbimeve të Transportit Rrugor

Adresa:                        Rr. “Muhedin Llagani”, Nr. 10  Tiranë.

Tel/Fax:                       0355 688015833 

E-mail:                        dpshtrr@dpshtrr.gov.al

Faqja e Internetit:       www.dpshtrr.gov.al

OBJEKTI:

PËR BLERJEN E NJË TRUALLI DHE GODINË PËR SISTEMIMIN E PUNONJËSVE TË DPSHTRR-së

Drejtoria e Përgjithshme e Shërbimeve të Transportit Rrugor njofton të interesuarit/ofertuesit se kërkon të blejë truall dhe godinë për sistemimin e punonjësve të DPSHTRR-së, duke u bazuar në kriteret e mëposhtme:

• Në truallin dhe objektin e kërkuar të ketë hapësirë për zhvillimin e Testimit Praktik të Kandidatëve të DRSHTRR Tiranë, min 4000 m2. Kjo sipërfaqe të jetë e rrethuar, e ndarë nga ambientet e tjera, e ndriçuar, e shtruar me asfalt, e pajisur me sinjalistikë për qëllimin e kërkuar;
• Sipërfaqe ndërtimi jo më pak se 2000 m2, lartësia e katit jo më pak se 3 m, e përshtatshme për zyra, e pajisur me infrastukturën elektrike, sistem kondicionimi, ndriçim dhe me ndarje funksionale.
• Objekti duhet të jetë në kushte optimale dhe të mos ketë nevojë për ndërhyrje/riparime;
• Sipërfaqe trualli jo më pak se 5000 m2, e rrethuar, e sistemuar dhe e shtruar me asfalt/beton.
• Të ketë një ambient / hapësirë që do të përdoret nga sektori RETRO për kontrollin e mjeteve historike.
• Prona te jetë e pozicionuar në vend të favorshëm për kryerjen e aktivitetit të DRSHTRR-së Tiranë si dhe QKT-së, ku kusht është lidhja e saj me rrugë urbane ku të levizin lirshëm makineri të tonazhit të rëndë;
• Prona te jetë e rrethuar sipas certifikatës së pronësisë;
• Prona te këtë akses të lidhjes me rrjetet inxhinierike të jashtme (lidhja me energji elektrike, ujësjellës, kanalizime, telefoni, internet etj);
• Objekti duhet të ketë funksional rrjetin elektrik të brendshëm të përshtatshëm për zyra, rrjetin elektrik të jashtëm për ndricimin e sheshit (hapesires) dhe sistemin e monitorimit me kamera sigurie;
• Objekti duhet të ketë funksional linjat dhe rrjetin informatik i cili te jetë i shpërndarë në të gjithë godinën, duke përfshirë edhe dhomën e serverit;
• Objekti duhet te kete te vendosur dhe funksional sistemin e mbrojtjes nga zjarri.
• Objekti  duhet të jetë i pajisur me sistemin dhe sinjalistiken e duhur te emergjences.
• Godina duhet te jete e pajisur me gjenerator per te siguruar energji eletrike pa nderprerje.
• Godina duhet te kete infrastrukturen e nevojshme per furnizim me ujë pa ndërprerje;
• Objekti duhet të ketë të instaluar dhe funksional sistemin e kondicionimit ngrohje/ftohje në të gjithë hapësirën;
• Objekti duhet të jetë i pajisur me:
  • Ndricues në të gjithë ambientin,
  • Tavolinë pune për çdo punonjës,
  • Karrige për cdo punjonës,
  • Komodinë personale për çdo punonjës,
  • Tavolinë dhe karrige për recepsionin,
  • Karrige ulëse në zonën e pritjes,
  • Rafte për dokumenta për çdo punonjës,

• Ambienti duhet te kete infrastrukturen e nevojshme per aksesin e personave me aftesi te kufizuara;
• Ambienti të ketë sistem monitorimi me kamera 24 orë;
• Ambienti të ketë tualete, jo më pak se 5 (pese) bokse, me pajisjet e nevojshme hidrosanitare;
• Objekti duhet te kete hapesiren e duhur qe do te sherbeje si mense per plotesimin e nevojave te punonjesve;
• Ambientet të jenë të gjitha të shtruara me pllaka, të patinuara, të lyera, me dyer të brendshme dhe të jashtme, dritare sipas standartit dhe me të gjithë rifiniturën e brendshme e të jashtme të nevojshme;
• Ambientet të kete dalje në tavane për ndriçim dhe çelësa për komandimin e tyre;
• Godina të jetë e suvatuar dhe e lyer në sipërfaqen e jashtme;
• Ambienti rrethues të jetë i sistemuar në mënyrë që të lejoje funksionimin normal të aktivitetit të DPSHTRR-së, Task Forcës, Sektorit të Taksave (Tirana 1) dhe QKT-së Prezë, etj;
• Ofertuesi duhet të ketë minimalisht 110 poste pune (rrjeti Lan) të shpërndara në të gjithë hapësirën ku gjithashtu të ketë edhe dy poste energjie;
• Të ketë minimumi një server room ku terminojnë te gjitha lidhjet e rrjetit Lan dhe të jenë të qepura në Patch Panele me etiketimin përkatës. Në brendësinë e server room të ketë një Rack 42’ ne te cilin do të jenë të montuara aparaturat si Router, Switch, sistem inverter dhe Patch Panele;
• Switch-et duhet të jenë me porta Gigabit të menaxhueshëm dhe POE, të kenë minimalisht 120 porta. Këto Switch-e të jenë Rack Mounti.

Shënim: Me post pune nënkuptohet blloku prej 2 priza fuqie dhe 1 prizë rrjeti informatik RJ45.

2. Ofertat që do të paraqesin konkurrentët për konkurrim përbëhet nga dokumentacioni i mëposhtëm:

• Kërkesa e subjektit për pjesëmarrje në konkurrim;
• Oferta e ofertuesve me cmim për m2 truall dhe m2 ndërtesë  
• Ofertuesi duhet të vërë në dispozicion një kopje të noterizuar të çertifikatës së pronësisë së bashku me dokumentacionin shoqërues: kartelë dhe hartë treguese të përditësuar, brenda 3 (tre) muajve të fundit.
• Vërtetimin nga autoriteti përkatës për regjistrimin e pasurisë së paluajtshme, për statusin juridik të sipërfaqes së tokës dhe objektit (godinës);
• Deklaratën noteriale nga pronari i pasurisë së paluajtshme që nuk ka konflikt me palë të treta;
• Ofertuesi duhet të vërtetojë qe ka shlyer të gjitha detyrimet, sipas legjislacionit në fuqi;
• Gen–plan, ku përcakton vend-ndodhjen dhe sipërfaqen e ambjentit të ofruar si dhe planimetrinë të hartuar nga një inxhinier/subjekt i licensuar.
• Komisioni i negocimit rezervon të drejtën për verifikimin ne vend të godinës me kriteret e kërkuara para marrjes se një vendimi përfundimtar.

Ky dokumentacion të paraqitet në një zarf, të mbyllur, nënshkruar nga ofertuesi, me mbishkrimin “Ofertë për blerje trualli dhe godine për sistemimin e punonjësve të DPSHTRR-së” dhe i dorëzohet Drejtorisë së Përgjithshme të Shërbimeve të Transportit Rrugor Tiranë, në datën dhe orën e hapjes së konkurrimit. Në ofertën e tij, ofertuesit duhet të paraqesë të dhënat e plota të personit të kontaktit.

Dokumentat duhet të jenë origjinale ose fotokopje e noterizuar.

Mosparaqitja e njërit prej dokumentave të mësipërme, përbën kusht skualifikues.

Vendi i zhvillimit te konkurrimit: Drejtoria e Përgjithshme e Shërbimeve të Transporit Rrugor ,zyra e protokollit, me adresë: Adresa:  “Rr. “Muhedin Llagani” Nr.10”, Tiranë; Tel.: +355 69 801 5 833: Fax.: +355 (0) 4 2238175.

Ofertat dorëzohen nga të interesuarit/konkurrentët, fizikisht, me postë ose dorazi, në vendin e përcaktuar për zhvillimin e konkurrimit.

Afati i fundit kohor për dorëzimin e ofertave konkurruese do të jetë data: 15/05/2021, ora 10:00.

Data e publikimit: 05.05.2021.