KËRKESË PËR SHPREHJE INTERESI PËR MARRJEN ME QIRA TË PASURISË PËR USHTRIMIN E AKTIVITETIT TË DREJTORISË RAJONALE TË SHËRBIMEVE TË TRANSPORTIT RRUGOR BERAT (ZYRA E SHËRBIMEVE ÇOROVODË)

Drejtoria Rajonale e Shërbimeve të Transportit Rrugor Berat është e interesuar të marrë me qira godinë/objekt për ushtrimin e veprimtarisë se Zyrës së shërbimeve Çorovodë, duke u bazuar në kriteret e mëposhtme:

• Afati i marrjes me qera të ambientit do të jetë për 1 vit (12 muaj);
• Të jetë objekt ndërtimor me sipërfaqe 40-50 m2;
• Ambienti i kërkuar të jetë në Lagjen “Çlirim”, pra në qendër të Qytetit të Çorovodës;
• Preferohet që ambienti të jetë në katin përdhe teknik. Në rast se ambienti ndodhet më lart se kati përdhe teknik, preferohet të jetë i pajisur me ashensor ose rampa;
• Ambienti preferohet të jetë afër bankave të nivelit të dytë;
• Hyrjet dhe daljet në ambient (duke përfshirë këtu dyer dhe dritare) të jenë të siguruara me dyer, dryna të fortë dhe të sigurt;
• Ambienti duhet të ketë të gjitha instalimet elektrike, ujësjellës, kanalizime si dhe të ketë facilitete të lidhjes me rrjetet inxhinierike te jashtme (telefoni, internet). Në objekt të jetë i siguruar furnizimi pa ndërprerje me energji elektrike;
• Ambienti të ketë tualete të rregullta, të pajisura me hidrosanitaret si dhe furnizim me ujë;
• Ambienti duhet të ketë mundësi ajrimi si dhe kushte higjeno-sanitare të mira, duke ofruar në tërësinë e tij imazhin e një zyre shërbimi funksionale dhe në shërbim të sa më shumë qytetarëve.

Në rast se ju dispononi një ambient që plotëson kriteret e mësipërme dhe mund te merret me qira nga DRSHTRR-Berat, jeni të lutur të shprehni interesimin tuaj nëpërmjet paraqitjes së dokumentacionit të mëposhtëm:

•  Kërkesa e subjektit për pjesëmarrje në konkurrim;
• Formulari i çmimit të ofertës duke përcaktuar ofertën për vlerën e detyrimit mujor të qirasë për m2, me afat 1-vjecar;
• Deklaratën noteriale nga pronari i pasurisë së paluajtshme që nuk ka konflikt me palë të treta;
• NIPT/NUIS-i, certifikata e regjistrimit dhe certifikata historike e regjistrimit të subjektit në QKB; në rast se është person fizik apo juridik;
• Fotokopje e letërnjoftimit elektronik;
• Vërtetimi nga dega e tatimeve se subjekti ka shlyer detyrimet tatimore dhe sigurimet shoqërore nëse është subjekt juridik;
• Vërtetim nga njësia vendore përkatëse se nuk ka detyrime për taksat vendore;
• Dokumentacion vërtetues certifikatë/vërtetim pronësie, kartelë dhe hartë treguese të pasurisë që pretendohet të jepet me qera ose akt-marrëveshje për administrimin e pronës në rast se ofertuesi nuk është i njëjtë me pronarin. Kartela e pasurisë të jetë e rifreskuar brenda 3 muajve të fundit;
• Planimetrinë e zgjidhjes teknike për sipërfaqen që jepet me qera, nëse është rasti;
• Deklarata për përmbushjen e të gjitha kritereve dhe kërkesave të kërkuara.

Mosparaqitja e njërit prej dokumentave të mësipërme, përbën kusht skualifikues.

Komisioni i negocimit rezervon të drejtën për verifikimin ne vend të ambientit me kriteret e kërkuara para marrjes së një vendimi përfundimtar.

Oferta duhet të dorëzohet fizikisht, me postë ose dorazi në Drejtorinë Rajonale të Shërbimeve të Transportit Rrugor Berat me adresë: Lagjia “Baki Gjebrea”, pranë ish Parkut të Autobusëve Berat, tel: 032234945, e-mail: drberat@dpshtrr.gov.al.

Afati kohor për dorëzimin e ofertës konkurruese do të jetë brenda 10 ditëve kalendarike nga marrja/publikimi i këtij njoftimi.

Publikuar me datë 21.01.2022.