Nga kontrolli i ushtruar u morën masat e mëposhtme:

• 11 Autoshkolla pezullim aktiviteti, ku:

1. 8 pezullime 1-mujore;
2. 2 pezullime 2-mujore;
3. 1 pezullim 3-mujor aktiviteti!

• 1 propozim për heqje License Autoshkolle pranë QKB!

Kontrolli qilizëm shtrihet në çdo qark, bazuar në programin vjetor të DPSHTRR për mbikqyrjen e sektorit të përgatitjes për Leje Drejtimi.

Mangësitë kryesore të konstatuara:

1. Oraret e funksionimit të autoshkollës nuk janë të afishuara;
2. Rregullorja e funksionimit të autoshkollës nuk përditesohet sipas akteve ligjore dhe nënligjore;
3. Tabela keqinformuese! Autoshkolla reklamon për kategori Leje Drejtimi që nuk është e licensuar si aktivitet;
4. Regjistrat e teorisë dhe praktikës të pa azhurnuara rregullisht;
5. Regjistri Amza i pa protokolluar pranë Drejtorisë Rajonale;
6. Mungesë mbajtje regjistri praktike;
7. Klasa të pa pajisura me kompjutera sipas kërkesave ligjore;
8. Jashtë afatit ligjor 5 ditor për përmirësim të parregullsive të konstatuara;
9. Tabelat e mjetit autoshkollë jashtë standardit të miratuar;
10. Ambjenti jo i rregullt/ambienti hidrosanitar jofunksional;
11. Autorizime mjeti autoshkolle dhe instruktorësh që u ka përfunduar afati. Janë në proces masa ndëshkuese për instruktorë, punonjës Autoshkolle!

DPSHTRR, në vijim edhe të angazhimit për mbrojtjen dhe standardizimin e tregut të Autoshkollave, garanton se asnjë subjekt nuk do të lejohet të operojë në shkelje apo në kundërshtim me aktet në fuqi, sanksionuar në:

• Ligjin Nr. 8378, datë 22.07.1998 “Kodi Rrugor i Republikës së Shqipërisë” e ndryshuar;
• VKM nr. 153, datë 07.04.2000 “Për miratimin e rregullores për zbatimin e Kodit Rrugor të RSH-së” e ndryshuar;
• Udhëzimi Nr. 9, datë 14.04.2022 “Për aktivitetin e autoshkollave”, MIE.

Qytetar, kursant:

• Mos lejo që autoshkolla t'ju realizojë më pak seanca në kohë më të shkurtër nga sa parashikon ligji!
• Mos u bëj palë në spekullim, në kurriz të kryerjes së kursit të plotë!
• Mos gënje veten nëse ju ofrohen tarifa të ulëta në shkëmbim të seancave mangut, mos bëj pazar me dijen që ju mbron jetën!
• Mos u bëj bashkautor në evazion fiskal, konkurrencë të pandershme e fiktivitet kursi! DENONCO pa hezitim çdo anomali në: https://www.dpshtrr.al/platforma-e-denoncimit

Në rast konstatimi të padrejtësive ndaj jush apo tjerëve, na kontaktoni në dpshtrr@dpshtrr.gov.al

Konsultohuni me tabelën e numrit të temave dhe kohëzgjatja për përgatitjen teorike dhe praktike për secilën kategori leje drejtimi. https://www.dpshtrr.al/.../pajisja-here-te-pare-me-leje...

Për çdo pyetje apo paqartësi, na kontaktoni: 0688015833 ose dpshtrr@dpshtrr.gov.al