Blendi Gonxhja

Përfaqëuesit e Drejtorisë së Përgjithshme të Shërbimeve të Transportit Rrugor, kanë zhvilluar një takim me zyrtarët më të lartë të FIA-s (Fédération Internationale de l'Automobile) me porosi direkte nga Presidenti i FIA, Z.Jean Todt, ku tema e bisedës ishte projekti i "AutoMoto Park Albania", i cili po projektohet të ndërtohet në Elbasan.

"AutoMoto Park" është një hap historik për automotorizimin shqiptar dhe aktivitetet automobilistike, si dhe për promovimin e kulturës së motorsportit. 

Gati projekti dhe fondi për ndërhyrjen e plotë rikualifikuese të Qendrës së Kontrollit Teknik (Kolaudimi) edhe në Drejtorinë e Shërbimeve të Transportit Rrugor Korçë.

DRSHTRR Korçë është në fazën ku do të kryej një transformim rrënjësor të këtij shërbimi, krahas investimeve në sisteme e pajisje, drejt një standardi bashkëkohor, kushte funksionale e cilësore.

Punimet do të kryhen pa e ndërprerë shërbimin i cili ka rinisur për qytetarët në qershor.

Për më shumë informacion:

   Drejtoria e Përgjithshme e Shërbimeve të Transportit Rrugor, nëpërmjet këtij klipi, udhëzon të gjithë drejtuesit e mjeteve mbi përqasjet e duhura të parkimit paralel dhe disa këshilla për të shmangur gabimet më të shpeshta dhe për të qenë më të vëmendshëm për sigurinë rrugore.

Për më shumë informacion: www.dpshtrr.gov.al

Drejtoria e Përgjithshme e Shërbimeve të Transportit Rrugor, ka gati projektin e detajuar dhe fondin nga DPSHTRR për ndërhyrjen e plotë rikualifikuese edhe në Qendrën e Kontrollit Teknik (Kolaudimi) në DRSHTRR Durrës, për një transformim rrënjësor.

Kompleksi i dytë për nga rëndësia në rang vendi, ku do të sistemojmë tërësisht edhe hapësirat jashtë, parkimet, ndriçimin, qarkullimin në përshtatje me të gjitha shërbimet e tjera rajonale të transportit rrugor.

Punimet do të kryhen pa e ndërprerë shërbimin.

Për më shumë informacion:

Drejtoria e Përgjithshme e Shërbimeve të Transportit Rrugor, është shumë pranë ndërhyrjes së plotë rikualifikuese të Qendrës së Kontrollit Teknik (Kolaudimi) edhe në DRSHTRR Sarandë,

Fondet nga të ardhurat e DPSHTRR me vetëfinancim.
Investimi në DRSHTRR Sarandë,për një transformim rrënjësor të këtij shërbimi, krahas investimeve në sisteme e pajisje, drejt një standardi bashkëkohor, kushte funksionale e cilësore.

Punimet do vijojnë pa e ndërprerë shërbimin që ka rinisur në qershor.

Për më shumë informacion:

Drejtoria e Përgjithshme e Shërbimeve të Transportit Rrugor, ka arritur marrëveshjen me Bashkinë Fier (me miratim edhe të Këshillit Bashkiak) për marrjen me qera afatgjatë të të gjithë truallit/hapësirës së jashtme, për të mundësuar investimin e plotë rikualifikuese tek Qendra e Kontrollit Teknik (Kolaudimi) dhe e Kontrollit Fizik, DRSHTRR Fier, ku qytetarët ende sot përballen me situatë të papranueshme në infrastrukturë.

 Punimet në godinën e re të Arkivës Qendrore të DPSHTRR, në Durrës, po vijojnë me ritme të shpejta.

Arkivat e Automotorizimit janë inventare voluminoze, aktive pa afate për efekt verifikimesh e përpunimi, në rritje si numër, në shërbim të 13 drejtorive rajonale të DPSHTRR.

Fondet nga të ardhurat e DPSHTRR me vetëfinancim.

Drejtoria e Përgjithshme e Shërbimeve të Transportit Rrugor, falenderon sportisten dhe Drejtoreshën e KF Tirana, Deborah Keçi, që pranoi menjëherë ftesën për të qenë Ambasadore e Sigurisë Rrugore për të ndarë me ne disa këshilla mbi pedalimin e sigurt.

Biçikleta është një nga mjetet më praktike dhe argëtuese të transportit në qytet.

A e dini se:

• 51% e të prekurve nga aksidentet rrugore në zonat urbane janë çiklistët dhe këmbësorët.

• 97% e çiklistëve të përfshirë në aksidente rrugore me pasoja fatale, nuk kishin vendosur kokoren.

Prej 31 Majit, 2021, shërbimi ekskluziv i Kontrollit Teknik është rikthyer nën administrimin e DPSHTRR-ës, ku gjatë periudhës Qershor-Korrik janë testuar 57,936 mjete rrugore nga të cilat:

68% e mjeteve të cilat kanë kryer Kontroll Teknik kanë qenë automjete (4 deri 8+1).

20% e mjeteve të cilat kanë kryer Kontroll Teknik kanë qenë automjete kamiona.

5% e mjeteve të cilat kanë kryer Kontroll Teknik kanë qenë automjete autobusa.

Drejtoria Rajonale e Shërbimeve të Transportit Rrugor Tiranë, ka vazhduar me punimet e fazës së tretë gjatë kësaj fundjave dhe pasditeve.

Gjatë kësaj faze do të bëhet i mundur kompletimi i ndriçimit të hapësirës 7800 m2, mobilim urban të 500 m2 trotuar, për rritjen e komoditetit për qytetarët në kushtet e orareve dhe masave të detyrueshme nga pandemia.

Hijëzime, ulëse, sistemime, zona pedonale, gjelbërim, rampa, sinjalistikë orientuese.

Punohet në orare e ditë që nuk pengojnë shërbimin për qytetarin.

Për më shumë informacion:

Punimet në kompleksin e ri të Drejtorisë Rajonale të Shërbimeve të Transportit Rrugor Berat, janë drejt përfundimit.

Vijohet në DRSHTRR Berat me sistemimet e jashtme, finiturat brenda, lidhjet me rrugët, kanalizime, drenazhime, nivelim me inerte, sistemime rrethimi e instalime nëntokësore, instalime elektrike e rrjetesh, instalime klimatizimi qendror e punime gipsi, tavanet inxhenierike, vetrata e veshje strukturore. Investimi përfshin blerjen e truallit dhe ndërtimin e ri, tërësisht me fondet e Drejtorisë së Përgjithshme të Shërbimeve të Transportit Rrugor.

Ka nisur puna për punimet e fazës 3, tek Drejtoria Rajonale e Shërbimeve të Transportit Rrugor Tiranë.

Gjatë kësaj faze do të bëhet i mundur kompletimi i ndriçimit të hapësirës 7800 m2, mobilim urban të 500 m2 trotuar, për rritjen e komoditetit për qytetarët në kushtet e orareve dhe masave të detyrueshme nga pandemia.

Hijëzime, ulëse, sistemime, zona pedonale, gjelbërim, rampa, sinjalistikë orientuese.

Punohet në orare e ditë që nuk pengojnë shërbimin për qytetarin.

Për më shumë informacion:

Drejtoria e Përgjithshme e Shërbimeve të Transportit Rrugor, ka nisur një tjetër investim e tjetër punë në shërbim të qytetarëve.

Drejtoria e Përgjithshme e Shërbimeve të Transportit Rrugor falenderon gazetarin Blendi Fevziu, i cili pranoi menjëherë ftesën për të qenë Ambasador i Sigurisë Rrugore duke ndarë me publikun këtë mesazh kaq të rëndësishëm për udhëtimin e sigurt me mjet.

• A e dini se 1 nga 3 aksidente rrugore me pasojë vdekjen shkaktohet nga përdorimi i alkoolit në timon?

Si të kontrolloni në e-albania Pikët e Patentës suaj? (Lejedrejtimi Mjeti Rrugor)

Ky shërbim elektronik u vjen në ndihmë drejtuesve të automjeteve për t'u informuar online mbi gjendjen e pikëve të lejedrejtimit. Sjellja juaj në timon, në qarkullim reflektohet në pikët tuaja, të cilat ju pakësohen kur procedoheni për kundravajtje ose ju rriten kur jeni korrekt!

KUJDES: Me ndryshimet e reja në Kodin Rrugor, heqja e të gjitha pikëve ju çon në Autoshkollë për riedukim si drejtues mjeti!

Hapat që duhet të ndiqni:

Kontrolli Teknik prej 31 Majit ka rifilluar nën administrimin e DPSHTRR-ës, më shumë se 7 mijë mjete janë ngelur ose refuzuar gjatë muajit të parë të rifillimit. Shumë prej mjeteve kanë ngelur për arsye të sistemit të shkarkimit të gazrave, por edhe prej mangësirave të tjera në mjet.

DPSHTRR, ka si qëllim rrugë e qytete më të pastra dhe më të sigurta, sepse mjetet e rrezikshme për jetën e drejtuesave të mjeteve, por edhe të pasagjerëve e përdoruesve të tjerë të rrugës nuk do të dot më Testin e Kontrollit Teknik.

 Shërbimi ekskluziv i Kontrollit Teknik, prej 31 Majit ka rifilluar nën administrimin e Drejtorisë së Përgjithshme të Shërbimeve të Transportit Rrugor.

Ministrja e Infrastrukturës dhe Energjisë, Belinda Balluku, së bashku me Drejtorin e Përgjithshëm të DPSHTRR-ës, Blendi Gonxhja, Drejtorin e DRSHTRR Tiranë, Ilir Mëngra dhe Drejtorin e Drejtorisë së Kontrollit Teknik dhe mbikëqyrjes së QKT-ve, Drakuli Lumi, vizituan pikën kryesore të Kontrollit Teknik për qarkun e Tiranës.

6-mujori i parë i vitit 2021, ka nisur me rekorde nga Drejtoria e Përgjithshme e Shërbimeve të Transportit Rrugor në volume shërbimesh, rendiment dhe të ardhura. 

 • 1,440 qytetarë të shërbyer në 1 orë gjatë Qershorit 2021, ose çdo 2.5’’ një shërbim.

 • 253,406 shërbime ofruar në Qershor 2021, ose +72% krahasuar me të njëjtin muaj në vitin 2018, +70% me vitin 2019.

 Një numër befasues prindërish vendosin jetët e fëmijëve të tyre në rrezik kur drejtojnë makinën, duke mos përdorur ndenjëset e posaçme për fëmijë. 

Drejtoria e Përgjithshme e Shërbimeve të Transportit Rrugor, ofron shërbimin e pajisjes me leje drejtimi dhe leje qarkullimi ndërkombëtare. Hapat të cilat ju duhet të ndiqni për të marrë këto shërbime janë:

Paraqituni për të aplikuar në Drejtorinë Rajonale. Më pranë jush për Tiranën (tek ish-NSHRAK)

Për Lejedrejtimi Ndërkombëtare merr me vete:

1) Leje Drejtimi Kombëtare

2) Dokument identifikimi

3) 1 fotografi

Për Leje Qarkullimi Ndërkombëtare merr me vete:

1) Leje Qarkullimi Kombëtare

2) Dokument identifikimi

Punimet në kompleksin totalisht të ri në Drejtorinë Rajonale të Shërbimeve të Transportit Rrugor Berat, po vijojnë me një ritëm të shpejtë
 
DPSHTRR, vazhdon me sistemimet e jashtme, finiturat brenda, lidhjet me rrugët, kanalizime, drenazhime, nivelim me inerte, sistemime rrethimi e instalime nëntokësore, instalime elektrike e rrjetesh, instalime klimatizimi qendror e punime gipsi, tavanet inxhenierike, izolim tarraca dhe veshje strukturore fasade.

Drejtoria e Përgjithshme e Shërbimeve të Transportit Rrugor, vijon punën në kantieret e transformimit të saj.

Drejtoria Rajonale e Shërbimeve të Transportit Rrugor Korçë, dita-ditës po merr formën e saj dhe po transformohet tërësisht, pasi themelet e para janë hedhur.
Vijon me ritëm puna për ndërtimin e kompleksit të ri të shërbimeve të transportit rrugor për qarkun juglindor.

Prej 31 Majit, 2021, Kontrolli Teknik është rikthyer nën administrimin e DPSHTRR-ës, ku gjatë muajit të parë janë testuar 30,145 mjete rrugore nga të cilat:

20,128 Automjete (4 deri 8+1) (66.8%)

6,320 kamiona (21%).

2,132 autobusa (7%).

1,087 rimorkio (3.6%).

393 motomjete (1.3%).

85 mjete ndërtimi/punimi toke (0.3%).

7,331 mjete ose 24.3% e totalit të mjeteve janë ngelur/refuzuar.
5,986 (81.7%) mjete janë ritestuar pas riparimeve dhe plotësimit të normave!

Drejtoria Rajonale e Shërbimit të Transportit Rrugor Vlorë, vijon punën për ndërhyrjen e plotë rikualifikuese të Qendrës së Kontrollit Teknik (Kolaudimi) , investim nga fondet e DPSHTRR, për një transformim rrënjësor estetik dhe funksional, drejt një standardi bashkëkohor e cilësor për qytetarët dhe partnerët tanë.

Punimet do vijojnë pa e ndërprerë shërbimin për qytetarët.

Për më shumë informacion rreth Qendrës së Kontrollit Teknik në Vlorë:
https://www.dpshtrr.al/drshtrr-vlore

Puna për ndërtimin e Arkivës së re Qendrore të DPSHTRR në Durrës, po ecën me ritme të shpejta.

Arkivat e Automotorizimit janë inventare voluminoze, aktive pa afate për efekt verifikimesh dhe përpunimi e në rritje si numër, në shërbim të 13 drejtorive rajonale të DPSHTRR.

Fondet për ndërtimin e arkivës janë totalisht nga DPSHTRR me vetëfinancim, e cila vjen si një rezultat i mirëadministrimit të të ardhurave.

  Aksidentet e shpeshta të ndodhura kohët e fundit janë kthyer për një shqetësim për të gjithë ne, Drejtoria e Përgjithshme e Shërbimit të Transportit Rrugor, ka zgjedhur që me anë të një videoje sensibilizuese të ndërgjegjësojë sadopak drejtuesit e mjeteve rreth respektimit të rregullave të sigurisë rrugore.

Drejtuesit e mjeteve duhet të kenë gjithmonë në vëmendje këshillat e sigurisë rrugore:

Parakalimi i gabuar, rrezik për jetën e drejtuesit të mjetit dhe të përdoruesve të rrugës! Manovrat e gabuara kanë pasoja fatale!

Ditën e dielë, më 4 Korrik, kryeministri Edi Rama ka festuar 57-vjetorin e lindjes së tij, Drejtoria e Përgjithshme e Shërbimit të Transportit Rrugor e ka uruar në një mënyrë të veçantë.

DPSHTRR, ka zgjedhur t’i dhurojë kryeministrit kopjen unike e bocetit të katalogut të parë të Koleksionit Shqiptar RETRO (shqip/anglisht) - publikim i DPSHTRR, me dedikimin: Njeriut, kryeministrit, artistit që na nxiti e na mbështeti aq fort për themelimin e Koleksionit Shqiptar RETRO dhe zyrtarizimin e sektorit të mjeteve historike, me respekt e mirënjohje!

Gjatë fundjavës, koleksioni shqiptar i mjeteve historike, RETRO, nën ritmet e muzikës Jazz&Swing të kuruar nga Hemingway Fan Club Albania, vizitoj qytetin e Pogradecit.

Gjatë periudhës Janar-Maj 2021 në Shqipëri, më shumë mjete dhe drejtuesa mjeti, por më pak aksidente dhee ulje indeksesh fataliteti krahasuar me vitin 2010:

-65% ulja e vdekshmërisë për 10,000 mjete në qarkullim.

+75% mjete më shumë në qarkullim.

+96% më shumë drejtues mjetesh.

-68% ulja e vdekshmërisë për 10,000 drejtues mjetesh.

1.9 indeksi i vdekshmërisë (për 10,000 drejtues mjeti), rënie me -4 krahasuar me 2010 (kur indeksi ishte 5.9).

Rënie me -68% e vdekshmërisë krahasuar me vitin 2010.

Një numër i madh prindërish vendosin jetët e fëmijëve të tyre në rrezik kur drejtojnë makinën, duke mos përdorur ndenjëset e posaçme për fëmijë ose duke i ulur fëmijët në sediljet përpara.

A E DINI SE:

Përdorimi i ndenjëseve për fëmijë redukton mundësinë për dëmtime fatale te foshnjat me 71%.

Sipas të dhënave nga Organizata Botërore e Shëndetësise, 500 fëmijë humbin jetën çdo ditë nga aksidentet rrugore.