Blendi Gonxhja

   Prej afërsisht 1 muaji, Kontrolli Teknik është rikthyer ekskluzivisht nën administrimin e DPSHTRR-ës, ku gjatë fund muajit të Majit dhe muajit Qershor janë testuar 24,973 mjete nga të cilat:

16,625 Automjete (4 deri 8+1) (67%)

5,250 Kamiona (21%)

1,803 Autobusa (7%)

946 Rimorkio (3.7%)

283 Motomjete (1%)

66 Mjete Ndërtimi/Punimi Toke (0.3%)

5,931 mjete ose 24% e totalit të mjeteve janë ngelur/refuzuar.

4,780 (80.5%) mjete janë ritestuar pas riparimeve dhe plotësimit të normave.

EDUKIM për ngulitjen e koncepteve të sigurisë rrugore përmes simulimit të situatave të trafikut.

Së shpejti, Këndi Statik i Sigurisë Rrugore  në Shkollën Industriale “Pavarësia” Vlorë,  projekt,  i cili më së fundmi ka nisur dhe që pritet të përfundojë brenda kësaj vere që viti i sivjetshëm shkollor të nisë plot me aktivitete edukative mbi rregullat dhe sigurinë rrugore për fëmijët e nxënësit! 

Fotot nga një takim në nisje të projektit, financim i plotë i investimit nga DPSHTRR, ku do të përfshihen dhe studentët e degës ElektroAuto të Shkollës Industriale “Pavarësia”.

Për pak ditë nisim rikualifikimet tërësore edhe në Qendrat e Kontrollit Teknik Tirana 1 (Prezë), Tirana 2 (NSHRAK) dhe Shkodër në orare e grafik pune pa e ndërprerë shërbimin e kolaudimit, me synim përmirësimin e ndjeshëm të kushteve të punës për qytetarët e personelin, rritjen e sigurisë në proceset teknike, rritje ergonomie e optimizim zinxhiri të shërbimit! Ambiente të kuruara e që rrezatojnë rregull e higjienë nxisin mirësjellje e kulturë. Investimet 100% me fondet e DPSHTRR nga mirëadministrimi, pjesë e programit për transformimin rrënjësor të Shërbimeve të Transportit Rrugor!

 Rikthimi i shërbimit të Kontrollit Teknik nën administrimin e DPSHTRR, shënon kthesë edhe për këtë sektor në Automotorizimin Shqiptar. Drejtoria e Përgjithshme e Shërbimit të Transportit Rrugor, ka nisur ndërhyrjen e plotë rikualifikuese, të qendrës së Kontrollit Teknik (Kolaudimi) në DRSHTRR Vlorë, investim nga fondet e DPSHTRR, për një transformim rrënjësor, estetik dhe funksional, drejt një standardi bashkëkohor, cilësor dhe të denjë.

Punimet do vijojnë pa e ndërprerë shërbimin ndaj qytetarit, me një plan të mirëorganizuar.

Shërbimi i Kontrollit Teknik të mjeteve rrugore, rikthehet ekskluzivisht nën administrimin e DPSHTRR-ës, tek të 15 qendrat.

Risi lehtësuese për qytetarët, pa rritur tarifat.

• Autoveturat e motomjetet e reja (regjistrim për herë të parë/0 km) nuk kolaudohen 3 vitet e para (çdo mjet tjetër i ri nuk kolaudohet vitin e parë)

• Mjetet autovetura e motomjete me km, kolaudohen çdo 2 vjet.

• Taksi, autoshkolla, mjete transporti udhëtarësh (autobus), mjete transporti speciale, ambulanca dhe mjete transporti mallrash kolaudohen çdo 1 vit.

  Prej 31 Majit, 2021, Kontrolli Teknik është rikthyer nën administrimin e DPSHTRR-ës, ku në 15 ditët e para janë testuar 15,167 mjete nga të cilat:

10,063 automjete (4 deri 8+1) (66%)
 1,156 autobusa (8%)
 3,179 kamiona (21%)
 617 rimorkio (4%)
120 motomjete (0.8%)
 32 mjete ndërtimi/punimi Toke (0.2%)

3,454 mjete ose 23% e totalit të mjeteve janë ngelur/refuzuar!

2,607 (75.4%) mjete janë ritestuar pas riparimeve dhe plotësimit të normave!

Automotorizimi në Shqipëri është një shërbim përherë në rritje dhe ndaj për këtë arsye nuk ndalet edhe puna për përmirësime në infrastrukturën e ambienteve, rritje të ergonomisë së proçeseve dhe të funksionalitetit të godinave të drejtorive rajonale.

Ndërsa mbyllet java e shërbimeve për qytetarët, personeli i DRSHTRR Tiranë nisë punën, për të minimizuar shqetësimet ndaj personelit dhe gjatë fluksit javor.

Në Korçë nisi puna për ndërtimin e godinës së re të shërbimit të transportit rrugor për të garantuar jo vetëm shërbim cilësor dhe të shpejtë, por edhe në kushte optimale për punonjësit dhe qytetarët.

Ministrja e Infrastrukturës dhe Energjisë, Belinda Balluku së bashku me Drejtorin e Përgjithshëm të Shërbimeve të Transportit Rrugor, Blendi Gonxhja, vizituan këtë qytet nga ku bënë të ditur se ky është një plan për zhvillimin e të gjitha kapaciteteve për shërbim në çdo qytet të Shqipërisë.

Kontrolli Teknik prej vitit 2021 ka kaluar nën administrimin e DPSHTRR-ës, duke sjellë dhe një ashpërsim të masave për ato parregullsi që dikur faleshin ose këshilloheshin nga SGS.

Këto parregullsi të rënda, disa prej tyre edhe në sistem drejtimi të mjetit, në goma, disa me rrezik për pasagjerët, për shikimin apo sistemin e dritave, për ambientin, për të tretët, shumica shkak për rrezik për mjetet e tjera në qarkullim apo për aksidente me pasoja, të gjitha për neglizhencë, pakujdesi gjatë mirëmbajtjes së mjetit.

Orari i shërbimit në Drejtoritë Rajonale të Shërbimeve të Transportit Rrugor, për ditën e Hënë është: 08:00-19:00.

Për të shmangur radhën në DRSHTRR Tiranë dhe Durrës për veprimet me mjetin, rezervoni orarin e shërbimeve në:

https://www.sporteli.dpshtrr.al

Këndi Edukativ i Sigurisë Rrugore, çdo javë vjen pranë fëmijve në vende dhe shkolla të ndryshme.

Ditën e sotme, më 14 Qershor, së bashku me ambasadorët e Këndit Edukativ të Sigurisë Rrugore, do të jemi prej orës 18:00 deri në 20:00, tek sheshi i stadiumit "Air Albania".

15 qendrat e Kontrollit Teknik, pas kalimit nga SGS nën administrimin e Drejtorisë e Përgjithshme të Transportit Rrugor, tani kanë rinisur punën në të gjithë vendin. Çdo qendër e Kontrollit Teknik ka pajisje informatike të reja dhe tërësisht të integruara. 

Java e parë e rifillimit të shërbimit të kontrollit teknik ka patur këto statistika si më poshtë:

Mbi 4,300 mjete janë testuar nga shërbimi i kontrollit teknik në DPSHTRR.

67.5% e testimeve janë automjete (4+1/8+1).

40% e testimeve janë kryer në DRSHTRR Tiranë.

Raporti i 5 mujorit të parë i vitit 2021, ka treguar se Drejtoria e Përgjithshme e Transportit Rrugor, ka patur një rritje të ndjeshme në volume shërbimesh, rendiment e të ardhurash.

 Të dhënat për muajt Janar-Maj 2021:

+33% shërbime më shumë krahasuar me të njëjtën periudhë të 2020-ës.

+42% të ardhura më shumë krahasuar me vitin 2020, një rritje e ndjeshme duke konsideruar që shërbimi në sportel u pezullua përkohësisht vitin e kaluar si pasojë e pandemisë.

  I ftuar në TV Scan, Drejtori i Përgjithshëm i DPSHTRR, Z. Blendi Gonxhja, ka shpejguar për emisionin 'Argument' rreth funksionimit të afateve të reja për kolaudimin e makinës, por edhe për ashpërsimin e masave ndaj parregullsirave gjatë proçesit të Kontrollit Teknik.

Drejtori i DPSHTRR, është shprehur se data 25 Dhjetor e vitit të kaluar cila përcakton intervalin kohor të afateve të reja të kolaudimit.

   Një vit më parë Komisioni Vlerësues bashkë me grupin mbikqyrës nisën mbledhjen e mozaikut të automotorizimit shqiptar ndër vite. Çdo ditë, koleksionistë dhe të apasionuar mbas mjeteve të vjetra dhe me vlera kulturore, historike, plotësojnë inventarin vendas dhe importet e dëshiruara të të pasionuarve drejt krijimit të Regjistrit Shqiptar të Mjeteve Historike. 

Retro gjatë një viti prej krijimit të saj, ka promovuar pasionet individuale, sakrificat dhe sukseset e koleksionistëve dhe mjeshtrave që mbajtën gjallë mjetet historike. 

Në 5 muaj kohë, ritëm pune rekord në ndërtimin e  kompleksit të ri të Drejtorisë Rajonale (DRSHTRR) Berat. 

Po punohet në fazën e lidhjes së sheshit me rrugët; kanalizime dhe  drenazhime; nivelim me inerte e sistemime rrethimi e instalime nëntokësor; veshje termike e strukturore objektit; instalime klimatizimi qendror e punime gipsi;  tavanet inxhenierike, izolim tarraca, suvatime dhe  finitura. 

Investimi përfshin blerjen e truallit dhe ndërtimin e ri, tërësisht me fondet e DPSHTRR, për një qark me kaq rëndësi sa Berati. 

14 Qendra të Kontrollit Teknik të mjeteve rrugore kanë filluar punën, me sistem dhe program të ri informatik integral i ndërlidhur me rrjetin e ri intranet dhe në pajisjet tërësisht të reja kompjuterike, servera e ups.

Javën e kaluar morën dozën e parë të vaksinës personeli i drejtorive rajonale të DPSHTRR-ës, ndërsa ditën e djeshme, pjesë e vaksinimit u bënë edhe subjektet e transportit ndërqytetës dhe stafi i Drejtorisë së Përgjithshme të Shërbimit të Transportit Rrugor. 

Falë mbështetjes dhe bashkëpunimit me Ministrinë e Shëndetësisë dhe Mbrojtjes Sociale, vijon imunizimi i subjekteve të transportit rrugor kundër Covid-19.

Një falenderim i veçantë shkon për të gjithë vaksinatorët, për punën e palodhur dhe për energjinë pozitive që përçojnë çdo ditë në shërbim të jetës.

   Ditën e Hënë më 31 Maj, rifilloj kolaudimi sipas një grafiku të planifikuar, ku prioritet kanë pasur: kamionët, rimorkiot dhe tërheqësit të cilëve iu ka skaduar çertifikata e mëparshme e Kontrollit Teknik e lëshuar nga SGS dhe të gjitha mjetet në pronësi të institucioneve shtetërore.

Drejtori i përgjithshëm i DPSHTRR, Z.Blendi Gonxhja, i ftuar në emisionin "Breaking" në Top News, shpjegoj për të gjithë qytetarët detajet në lidhje me rinisjen e Kontrollit Teknik.

DPSHTRR prezanton Festivalin e Biçikletave, i cili është festivali i parë që do të zhvillohet në Shqipëri. Shqipëria ashtu si shumë vende të tjera të botës, në 3 Qeshor, gjatë ditës Ndërkombëtare të Biçikletave, bashkohet për të festuar ditën e dyrrotakve në orën 18:00-22:00, tek Sheshi “Nënë Tereza”.

Promovojmë përdorimin e biçikletës në qytet, si një mjet transporti ekologjik, të qëndrueshëm dhe të shëndetshëm. 

Drejtoria e Pergjithshme e Shërbimit të Transportit Rrugor do të jetë pjesë e Festivalit të Biçikletave me Këndin e Sigurisë Rrugore.

Ditën e sotme kreu i qeverisë, Edi Rama, së bashku me ministren e Infrastrukturës dhe Energjisë, Belinda Balluku dhe Drejtorin e Përgjithshëm të Shërbimit të Transportit Rrugor, Blendi Gonxhja, inspektuan ecurinë e punimeve në godinën tërësisht të re në DRSHTRR Laç.

Drejtoria Rajonale e Shërbimeve të Transportit Rrugor Laç, ofron mbi 110 mijë shërbime në vit për më shumë se 50 mijë drejtues mjetesh.

DRSHTRR-ët në gjithë vendin janë kthyer në godina me ambiente dinjitoze dhe me cilësi të lartë për shërbimin e qytetarit.

  "Falu gjithë mirësitë
Të rrojnë me nder në jetë
  të mësojnë dituritë
  Të bëhen të vërtetë
Të ndërojnë mëmëdhenë
   Vlerat t'ja lartësojnë
Mbi gjithë botën ta ngrenë
  Si lule ta zbukurojnë!"

- Naim Frashëri

DPSHTRR uron të gjithë fëmijët: Gëzuar 1 Qershorin!

   Tek qendrat ku shërbimi ka nisur sot, personeli i DPSHTRR-ës ka vijuar ditën e djeshme deri në orët e vona testimet , përgatitjet dhe pastrimin për të garantuar kushte thelbësore sigurie, higjiene, sinjalistikë orientuese dhe mirëfunksionimi sistemesh/pajisjesh për punonjësit e rinj të kolaudimit dhe për drejtuesit e mjeteve që kryejnë kontrollin teknik. 

DPSHTRR kërkon mirëkuptimin e publikut për fazën e rihapjes graduale të QKT-ve.  Drejtoria e Përgjithshme e Transportit Rrugor ka si mision interesin publik, uljen e kostove për qytetarët, garantimin e cilësisë dhe standardeve, si edhe ngritjen e dinjitetit të Automotorizimit Shqiptar. Investojmë për modernizimin e informatizimin; monitorimin në kohë reale, me qëllim ndalimin e qarkullimit të mjeteve jashtë parametrave; disiplinimin e flotës së mjeteve rrugore; mbrojtjen e ambientit dhe rritjen e sigurisë rrugore në Shqipëri.

Rinis shërbimi i Kontrollit Teknik të mjeteve, vetëm për këto kategori, sipas një kalendari dhe grafiku të mirëorganizuar:

• Kamionët, rimorkiot dhe tërheqësit të cilëve i'u ka skaduar çertifikata e mëparshme e Kontrollit Teknik e lëshuar nga SGS.

• Taksitë, autoshkollat dhe mjetet e tjera në pronësi të subjekteve që i'u ka skaduar çertifikata e mëparshme e Kontrollit Teknik e lëshuar nga SGS.

• Të gjitha mjetet në pronësi të institucioneve shtetërore.

Shërbimi ekskluziv i Kontrollit Teknik të mjeteve rrugore rikthehet nën administrimin e DPSHTRR-ës:

• Asnjë tarifë ekzistuese nuk ndryshon ose nuk rritet.

• Ndryshon periudha e kolaudimit.

• Autovetura e motomjete të reja (0 km) nuk kolaudohen 3 vitet e para dhe çdo mjet tjetër i ri nuk kolaudohet vitin e parë.

• Mjetet me km, autovetura dhe motomjete kolaudohen çdo 2 vjet.

 • Taksi, autoshkolla, mjete transporti udhëtarësh (Autobus), mjete transporti special, ambulanca dhe mjete transporti mallrash kolaudohen çdo 1 vit.

Me nisjen e vaksinimit për subjektet e transportit rrugor, ka filluar vaksinimi edhe për punonjësit e sporteleve të shërbimit në drejtoritë rajonale të DPSHTRR. 

Drejtoria e Përgjithshme e Shërbimit të Transportit Rrugor është një ent publik, i cili ofron 2.1 milionë shërbime në vit, prandaj vaksinimi i personelit është mëse i nevojshëm për të parandaluar çdo risk të mundshëm për stafin dhe për qytetarët që paraqiten pranë sporteleve të shërbimeve.

Shërbimi “Easy Check” i ofrohet të gjithë subjekteve dhe koncesionarëve që tregtojnë automjete. Në këtë mënyrë mundësohet kryerja e identifikimit të treguesve teknik të mjeteve, pranë ambienteve të subjektit prej specialistëve të DPSHTRR-ës, pa qenë nevoja për t’i sjellë mjetet pranë Kontrollit Fizik në drejtoritë rajonale.

Ky shërbim aktualisht ofrohet vetëm nga DRSHTRR Tiranë dhe Durrës.

Punohet për pastrimin tërësor të ambienteve të Qendrave të Kontrollit Teknik, në çdo drejtori rajonale të DPSHTRR! Kërkohet bashkëpunim edhe me qeverisjen vendore sepse së bashku i shërbejmë qytetarëve të çdo qarku e komuniteti!
Falenderojmë APR pranë Bashkisë Tiranë për ndihmën e dhënë.

Ka vijuar puna edhe gjatë fundjavës, për trajnimin e ekipit të riorganizuar të Kontrollit Teknik (Kolaudimi) me programin dhe pajisjet e përditësuara, për simulimin e shërbimit të kontrollit teknik të mjeteve, në qendrat e kontrollit të DPSHTRR  të cilat do të rihapen brenda muajit maj.

Për çdo informacion: