NJOFTIM PËR SUBJEKTET

NJOFTIM PËR SUBJEKTET

Veprimtari sipas Ligjit nr. 9573/2006, i ndryshuar

A ushtron subjekti juaj veprimtari sipas Ligjit nr. 9573/2006, i ndryshuar, që lidhet me riparimin e mjeteve rrugore me motor dhe rimorkiove, shitblerje/depozitim/grumbullim/shkatërrim të mjeteve ose pjesëve të dala jashtë përdorimit, apo agjenci shërbimesh për dokumentacionin e mjeteve?

Atëherë ky njoftim është i rëndësishëm për ju!

Në zbatim të legjislacionit në fuqi, DPSHTRR rikujton se subjektet kanë detyrimin të ushtrojnë aktivitetin vetëm në përputhje me kushtet ligjore, për të shmangur masa administrative gjatë kontrolleve në terren.

Çfarë verifikohet gjatë kontrollit:

Licenca / Autorizimi për veprimtarinë përkatëse (i vlefshëm)

Ambientet ku zhvillohet aktiviteti (përshtatshmëri, siguri, organizim, planimetri)

Pajisjet dhe instrumentet (të nevojshme për shërbimin që ofrohet, funksionale dhe të mirëmbajtura)

Dokumentacioni shoqërues (dosja e plotë për aplikimin e licencës)

Regjistrat e detyrueshëm të veprimtarisë (të plotësuar rregullisht, kronologjikisht, të ruajtur dhe të verifikueshëm)

MOS E NEGLIZHONI!

Çdo subjekt duhet të sigurojë, sipas natyrës së veprimtarisë:

Përgjegjës teknik (dëshmi profesionale/kontratë)

Autorizime specifike sipas kuadrit ligjor (p.sh. autorizim i prodhuesit, Institutit të Transporteve ose DPSHTRR)

Evidencë të plotë për shërbimet e kryera në mjet/veprimet (hyrje–dalje mjetesh, ndërhyrje, shitje-blerje, depozitim, etj., sipas veprimtarisë)

Veproni tani:

Informohuni, verifikoni dokumentacionin, përditësoni regjistrat dhe sigurohuni që aktiviteti zhvillohet sipas standardeve.

Respektimi i rregullave mbron biznesin tuaj dhe rrit transparencën e shërbimit ndaj qytetarëve.