Përjashtimi nga Taksa Vjetore e Mjeteve për disa kategori!

Kategoritë që përfitojnë nga Përjashtimi nga Taksa Vjetore e Mjeteve shërbim publik social janë: invalidët e punës, personat e verbër, të sëmurë paraplegjikë dhe tetraplegjikë, si dhe personat me aftësi të kufizuara.

Veprimet njihen vetëm kur bëhen në emër të qytetarit me status “invalid” dhe duhet që:

Mjeti të jetë deri në 4+1 vende dhe me cilindratë jo më shumë se 2500 kubikë;

• Dosja e mjetit, e qytetarit me status “invalid” dhe dosja e invaliditetit e tij duhet të jenë në Rajonalen ku ka vendbanimin qytetari me këtë status sipas Gjendjes Civile.
• Të jetë i pajisur me librezën e invaliditetit;
• Vërtetim të KMCAP-it nga e-albania ose vërtetimin origjinal/i noterizuar lëshuar nga Instituti i Sigurimeve Shoqërore për periudhën përkatëse të invaliditetit;
• Vendimin e Komisionit të Përcaktimit të Verbërisë;
• Vërtetimin që nuk zhvillon aktivitet privat;
• Dokument identifikimi i personit me status “invalid” që ka në pronësi mjetin”.